الموج للشاعر : على عبد العزيز

البحر لم الموج ونام

على صدره عشش عنكبوت

اتعود السمان عليه

انت اللى واقف

على الشطوط من كام سنه

مستنى إيه ؟

كل الوساطه الكدابين

باعوا الصدف

ويا المحار ..

تعبت إيديك

من الخيط الحرير

ولا عدش لؤلؤ تلضمه

فاخلع فؤادك واصلبه

على أى حته فى الفنار

يمكن يقيد .. البحر يصحى

وينتفض تانى من جديد
ــــــــــــــــــ
من ديوانى(طالع يغنى)
***
زوروا موقعى على الانترنت رابط : http://aliabdalazez1.blogspot.com