من بعد غيبة عمر مشتاق لاقيكي/////// جايي بطلة شمس لفجر ببكيكي

ونطلع برحلة سوا ما بين البساتين////// للورد تعطي عطر اكثر ما يعطيكي

ويلمح حلاكي وعليكي الفل والياسمين// يركض ل امو طفل ولهان جاييكي

ويخاف قلبي الورد يجرحّلك الخدين//// وجوّى عيوني ال حرقها الشوق خبيكي

ظلوا شفافي وبعد لليوم عطشانين/////// ياما اشتاقوا لنقطة من سواقيكي

وذابوا عيوني بليلة شموع شعلانين///// حتى تنامي وانا بسهر تغفيكي

وخيوط روحي الك بسحب غلاها سنين/ بغزل حرامك من سنيني وبغطيكي

ولو رجف جسمك برد مع رقصة كوانين/ بحرق غصون العمر بايدي وبدفيكي

وتنظل شوق وعشق عا بعض ولهانين/// وما ظل فتّش عليكي وما الاقيكي

رح سيب كل شي الي بهالعمر يا دارين// تا عيش فيكي حياتي وانتهي فيكي


A.S.T