بعرف اسير بسجنتو تأبد // وكل يوم حكمو عم بيتمد

صارلو 15 سني ما بين////// اربع حيطان بعزلتو مقيّد

عندو مرا وبنت والو طفلين/// البنت دينا واحمد واسعد

رحت سألت مرتو قبل يومين// عن حالتو ومنها الدمع غرّد

قالت الي شفتو قبل عامين///// ومن يومها زيارات ما تحدد

ومن العذاب تكّسرو ايدين///// زوجي وجرحو بعد بتجدد

قلتلها وترنّخو الخدين////////// بدموعها احكيلي بعد ازود

قالت الي قلّي قبل سنتين/////// كانو ثلاثة معي يا ام احمد

واحد من التعذيب راحت عين// منو وراحت ايد واستشهد

وواحد كثر ما انظرب عالجنبين/ ظهرو شلل صابو وصفي مقعد

وال بقي تا يلحق بعد الاثنين//// صار بجزيرة فانية مبعد

وصرخت يا الله الصبر جيبو منين/ عا كل كلمه بقولها اشهد

السجون ملياني على الميلين//// اسرى واسرى صعب تتعدد

قهر وعذاب واسى وكل مترين// توقع ضحية بحرقة المشهد

زوجي اسير كثار مثلو ووين/// حق الاسير بعالم معنّد

ما كان سائل ما حكي حرفين// مثل ال كأنه صنم ومجمد

لكن ع(شاليط) ال شهر شهرين/ صارلو العام قام ما تقعّد

حتى يفكلّو الاسر بالدّين//////// تيعود لاهله سالم ويسعد

وقالت باخر نزفة الجفنين//// دخلك يا ربي بملتقى اوحد

تجمع عروبتنا لقا نهرين///// بغيوم وحدة تمطر استقلال

عا جمر نارو الحاقدة وتهمد

A.S.T