وصاتي لك من بعدي تموت فيها علشاني... أريدها تعيش و تحيا بك...واظل بالذاكره مفقود

و صاتي لك تنسيها ملامح وجهي و تنساني...وتعزف لها قصيدة حب على عكس اللي عزفته بعود

وصاتي لك تبعدها عن اشعاري وقيفاني...تراها مغرمة بالحيل ويشهد لي عدد الردود

وصاتي لك تسايرها ترى فيها من احزاني...طلبتك لايضيق بالك طلبتك والطلب مردود

وصاتي لك تناديها ...حياتي...عمري...زماني...انا عودتها دايم ادلعها وانا موجود

وصاتي لك تعاملها بطيبه قلب و احساني...تراها تذرف الدمعه ودمعتها ما لها حدود

وصاتي لك تحفظها سور وآيات قرآني...وتخبرها عن الميت رحل لايمكنه بيعود

وصاتي لك ترسمها على قبري وأكفاني...أريدها لوحة تبقى على طول الزمن محدود

وصاتي لك تمازحها وتشوف الضحكة بأسناني...و يضحك هالكون طلبتك لاتصير جلمود

وصاتي لك تقهويها من دلالي و فنجالي...تراها تعشق السمرا ويكفيها دخون العود

وصاتي لك تركبها على خيلي و على حصاني...وربي فارسة من قلب شهادة ماهي لشهود

وصاتي لك تسفرها بلاد الشام وفلسطين لبناني...ترى يحلالها تقطف وردة من بلد الورود

وصاتي لك تراقصها على الحان رحباني...ترى فيها عرق خالة وفيها من جنون السود

وصاتي لك تحببها...وتنسيها ندم غلطة انا فيها ترى المقصود

وصاتي لك تكرهها في تاريخي و عنواني...أريدها تلعن اللحظة وتلعن كل فرح موعود

وصاتي لك تكلمها عن المجني وعن الجاني...وتخليني انا الظالم وانا من حرق الاخدود

وصاتي لك تشبهني بدم أحمر قاني...وانا هالقاتل السفاح مجرم من عصر نمرود

وصاتي لك تحلفها تتوب تحبني ثاني...ترى يكفيها ماعانت ويكفي حيلها مهدود

وصاتي لك تنسيها وصية قالها لساني...أنا اخبرك رجل موقف وانت قدها وقدود

صديقي مالقيت غيرك يعرف وكيف تنساني...أمانه ضمها بقلبك ترى طارق....رحل مايعود ...