ما اجملك يا زهر ترقص بالربوع/// والامل ع شفافك ندى بفصل الربيع

والعطر عم يلعب ويضحك ع ينبوع// ميي تيتحمم في اشواقو ويضيع

لكن انا قلبي بكى وسالو الدموع////// شلال نازل من عنى همو الوجيع

تا صار حجمو مثل نهدات الشموع/// ال كل ما بكت عم ينقص الجسم الرفيع

ولما يا عمري شفتك بليلة ولوع////// جايي لعندي ركضت لاقيكي مطيع

ما لحقت المس وردك وشم الفروع/// فجاة اختفيتي بحلم خلاني صريع

مثل البحر عالشط موجاتو بشروع//// ما بتلحق تشمو بترجع عالسريع

روحي يا نسة الك ما بقبل رجوع///// من غير ما ثمك خبر عنها يذيع

ما في حدا بيمنع بلهفة وقت جوع///// عا صدر امو يقرّب الطفل الرضيع

ان ما رجعتي والعمر بأول طلوع///// والغصن اخضر والثمر فوقو بديع

لا ترجعي لو صرت في اخر اسبوع/// لأنك ما رح للحب تلقي ماكنة

تصنع مثل عمر الصبا مشاريع


A.S.T