يا ريت عمرك يا زمن يرجع/// لحظه صغيرة بس تا اقشع

فيها حبيبي ال كان حدي انكان/// يرجع بعد ما دنيتي ودّع

وتا الي يرجع شو صرت فزعان حاكي الزمن بلكي الزمن بقنع

حسيت اني اخرس بدون لسان/// يما الزمن للناس ما بيسمع

وطلعت عا حد القبر شعلان///// عمري وعيوني شموعها ولّع

تا سالت سنيني بجفن ذبلان///// معها سنين العمر بالمدمع

ومن ثوب روحي تقطّعوا الخيطان ولقيت باقي خيط ما تقطّع

مسكتو لمحتو بخفقة التحنان///// تا شفت فوق اسمك مطبّع

ومن حقل لهفاتي طلع نيسان//// وسافر تا يبحث عا جسم اروع

مني سرق عطرو وحلا الالوان/ وتشرين من بعدو وصل اسرع

شتل الهنا عنو سرق الاغصان// وبلّش ثمرها من الاسى يوقع

وينك حبيبي طل بالفستان///// / ال جاع حدي عمر تا اشبع

ارجع دخيلك عا زهر عريان/// جسمو اللي كان ظلالنا يجمع

ارجع سقيني من نبع حليان///// شفافك ضفافو وشوقك المنبع

دخلك حبيبي بعدني ولهان///// شوفك قبالي عم بتتدلّع

مقهور عا روحي ال فناها بان/ ما بين عيش وموت لا تفزع

صفيت عا قبرك بقايا انسان// تلاشيت وخيالي معي توزّع

وهمست من اخر رمق بقيان// يا بصير عا حدّك تحت التراب

يما اللي من ترابك بتطلع


A.S.T