دق الجرس..!

دق الجرس يا اولاد يا اولاد

هيا بنا نقرى النشيد

آن الأوان نهتف و نعيد

يلا بقى قولوا النشيد

*

يارب تحفظ ريسنا

يعيش و ياكل لقمتنا

يسرح و يمرح ف أولادنا

يبيع و يشري ف حقوقنا

يخنقنا يمشي ف جنازتنا

تمللي يسكر بأعراضنا

يقول بيسهر لراحتنا

يتعب كتير دا ريسنا

سيبوه ينام بقى يا أخوانة

و سيبوا القضية لأصحابنا

و دول كمان بقى احبابنا

جايين يعثوا بأوطانا

عشان مصالح أمتنا

و عشان سيادة قادتنا

مايتعبوش قوي لأمورنا

*

أموالنا يرعوها الصهيون

و يرموا علينا كم مليون

سبوه ينام بقى يا خوانا

عشان تابعنا ينام ممنون

*

و يشقى الشعب ..

معلش دا يهون

أصل الشعب يا ناس دا خلاص

تعود بقى على وجع الراس

يكدح ليدي لريسنا

*

هي الشهامة كدة يا خوان

نربي شارب عليه دبان

ناكل ننام زي الخرفان

فوق الرصيف من غير أوطان

و نموت ضحية من غير أكفان

و أمجادنا يورثها التعبان

و قروا الشهادة على أرواحنا

*

يلا بنا للصف للصف

انتهى النشيد والعلم رفرف

سقفوا يا ناس أتحررنا