كلمات: كمال إبراهيم

"الشعب العربي نايِمْ

خذلانْ وِمن حُكَّامُه ضَايِمْ

الله ما بيقبَلِ الظالِمْ

لا قَهْرُ وْلا إجرامْ

 
المَلايينْ بتتمَنَّى الحَلّْ

يْزول الاحتِلالْ وِالذُّلّْ

ما بَدهَا ظُلْمُ وْلا غُلّْ

لا فَسَادْ وْلا حَرامْ

 
الله يُنصُر الحَقّْ

يبعَث المَحَبِّة وِالرِّفْقْ

ما يْكونْ غَدْرُ وْلا رِقّْ

وِيْحِلِّ المَجْدْ وِالسَّلامْ

 
بْجَاهِ المَولَى الجَبَّارْ

يْحِلِّ السِّلْمْ فِي الدِّيارْ

وِالقُدْسْ بَلَدِ الأحرَارْ

يْزُولْ عَنْ أهْلَا الظَّلَامْ ".