فقط في فلسطين
تاريخ النشر : 2022-11-19
فقط في فلسطين

بقلم: سهير عبد العزيز

فقط في فلسطين
أهل الفرح ما بيتهنوا
عمر الفرح ما اكتمل
ببيت فلسطيني مهما تمنوا
فاروق سلامة بيوم عرسه
أعدموه بدم بارد وما اهتموا
تحول عرسه لبيت عزاء
يا حسرة إمو
بعده اجا ماهر أبو ريا
راجع من غربته
وبشهادة الدكتوراة
بده يفرح إمو
تجمعت كل عيلته
ليحتفلوا برجعته
وبغمضة عين
صاروا بخبر كان وما تهنوا
عم الصراخ بالحي
والكل مصدوم من اللي صار
وما ظل حدا إلا انحرق دمو
يارب لطفك ورحمتك
عيلة بأكملها قضت
والكل بجنازتهم بيستنوا
موكب مهيب ومشهد غريب
بجنازتهم العالم كله إنهموا
الفلسطيني فرحته منقوصه
وشو ما كان عنده فرح
الحزن بيسري في دمو
بيت عامر بالفرح
أصبح ركام ورماد
وعبق دخان في أروقته بتشموا