لسه بحس ان انت جي
حتى النفس ،
حاسك قريب مننا
لسه بقول ان أنت حي
ماهو مستحيل ،
هتغيب وتبعد عننا
فاكر نجومنا السهرانين
لسه مكانهم فى السما
لسه الليالي من حنينها لضحكتك
بتقول هترجع وبسلام
كل الملامح كات تقول إنك شهيد
قلبك حنين ، عقلك كبير
طيب لدرجة صعب تبقى وسطنا
انت اللي زيك كان هدية وربنا
فرحانة بيك قول بعشقك
بين الألم والفرحة شيء صعب أوصفه
صعب ان اقولك غبت ليه
صعب ان أعيش من غير عنيك
لسه بحس ان انت جي
ريحة حنينك في البنات
بتخلي كل الدنيا نور
كبروا وشافوا ، اد ايه إنك بطل
إنك رجولة وابن مصر اللي انتصر
روحك بتحرس
لسه على حدود الوطن
بتقول لكل الناس أنتم في أمان
خلوا الولاد يجروا ويلعبوا
خلوا العمل يوصل لكل مكان
انا مش لوحدي في الحراسة الكل حي
كل الجنود وقت النِدا جاهزين يامصر
لسه بقول ان انت جي
لسه الألم يعصرني عصر
لسه على العهد اللي بينا انتظر
مهما يطول وقت انتظارك أنت حي
#سيد_البالوي