ضاعت منّي قصيده
كنت كاتبها زمان
مش فاكر ملامحها قوي
لكن كانت من قلبي..
لمّا نهيت كتابتها
ورجعت قريتها
حبيتها..
كانت راسمه ملامح حد!
جايز مش صورته الحقيقيه
جايز مش هيّه حقيقته
لكن..
كانت وجهة نظري ساعتها!
ضاعت مني قصيده
تاهت وسط الأوراق
وبحاول اعيد كلماتها
كانت معانيها هتفرق..
مع إني ما كمّلتش نهايتها!
نفسي أرجّع إحساسي
واتكلّم بلُغتها
دوّرت عليها كتير..
وقلبت ادراج المكتب
كان ليها معاني جميله
فاكر رقّة فكرتها..
ضاعت منّي قصيده
مش فاكر أبياتها
وكويّس.. إني نسيتها!
..................
شعر: حسام العقدة