نقطة و من اول السطر بقلم مصطفى القاضى
عارف لما تمشي طريق طويل و تبقى شايف انك ماشى صح بس تلاقى ملامح الطريق غريبة . تعاند و تكمل و تقول لنفسك أنا صح . فى الأخر تكتشف انك رجعت لنفس النقطة اللى بدأت منها . و تضطر هنا تسأل حد ..اروح المكان دا ازاى ... دلوقتى يا جماعة الخير.
و تدور على حد يساعدك ... و تلاقيه بيوصفلك بكل سهولة .. تمشى على الوصف و فى منتصف الطريق تسأل تانى ما انت خلاص اتعلمت انى اللى بيسأل مش بيتوه . و بعد ما توصل تفرح لأنك وصلت و نسيت انك كنت غلط فى الأول.
هى دى نقطة و من أول سطر
لما وصلت فرحت لأنك بدأت من جديد من أول السطر. سألت و اخدت من خبرة غيرك و من معرفته
كلنا محتاجين لما نغلط نعترف و نرجع عن طريقنا لو كان غلط .. لا داعى العناد ...
لو ماشي فى الطريق الغلط ابدأ تتغير و ارجع لأول نقطة كنت فيها عارف نفسك و مرتاح.
طرق كتير متشابهة ... بس المهم يكون الطريق مناسب ليك .... يكون الطريق صح.

يلا نقطة ... و من أول سطر ...

مهما طال الطريق ..... هتوصل لهدفك ..... بس امشى صح