يا أغلى الناس بقلم ابومحمود اسماعيل
تاريخ النشر : 2019-03-25
يا أغلى الناس بقلم ابومحمود اسماعيل


امي يا اول كلمة نطقها تمي

يا اغلى من الغلا للغلا امي

نسيت همها شالت همي

هان وجعها توجعت لألمي

دمها حنان بيجري ،دمها دمي

اه يا امي شو مشتاق لضمي

بعدني بحس بدفاها بكل جسمي

ما فرقتي، حب وحنان تقدمي

كبير صغير تقابلي بفرحة وبسمي

انا واخوتي تحت جناحك تلمي

بتغني عالهدا منك احلى نغمي

اه يا امي شو مشتاق لضمي

مدرسة حياة فيها تدرسي تعلمي

ضي منور عالارض بالسما نجمي

نور تجمع، رسمك اروع رسمي

هدية من رب السما اغلى نعمي

حرفين تناغموا صارو احلى كلمي

اه يا امي شو مشتاق لضمي

حياتي عذاب بدونك ظلام ايامي

اسمك بقلبي مطبوع علامي

انت عمري واملي حياتي واحلامي

علمتيني الاخلاص ومعنى الكرامي

اه يا امي شو مشتاق لضمي

رضيت بالنصيب فراقك قدر وقسمي

بدعيلك بصلاتي بالضي بالعتمي

يسقيك النبي بايدو وبايدك عليه تسلمي

مثواك الجنة من ربي تغمرك الرحمي

اه الحياة بدونك لا نكهة ولا طعمي

اه يا امي شو مشتاق لضمي