بين الحواري ..... والقصر العالي
ماشي وبتذمر ..... مني عايف حالي
بين الحواري ... بين الحواري
السحيجة بتلعب ..... الطبلة لعبتها
علينا تنادي ..... نسمع غنوتها
بين الحواري ... بين الحواري
والدبيكة تدبك ..... تدبك على أرضك
وانتا يا الشعب ..... روح نام بقبرك
بين الحواري ... بين الحواري
وين الفوسفات ؟ ..... ومعاه البوتاس !
وين المصاري ؟ ..... وثروات الناس !
بين الحواري ... بين الحواري
حط ايدي بيدك ..... يلا يا مسَخَّم
نشرب من البحر ..... وبالسيل نتحمم
بين الحواري ... بين الحواري
أبداً ما متنا ..... ولا رح نتراجع
ما دام الفاسد ..... بعدو بيتفاجع
بين الحواري ... بين الحواري
من حبك يا وطنا ..... رحنا الدوار
تانرجع حقنا ..... من عين السمسار
بين الحواري ... بين الحواري
وين النشاما ؟ ..... وين الأحرار ؟
يلا عالرابع ..... لنحمي الديار
بين الحواري ... بين الحواري


عمر قاسم أسعد