مصر معاك بقلم: حسام العقدة
تاريخ النشر : 2018-06-12
مصر معاك وانت هناك
مش نسياك جايه وراك
***
وانت بتحلم بالنصر
ناسك هنا مالهاش حصر
وبتدعي ف ساعة العصر
ولآخر الدنيا وراك
***
فيه ناس ع القلب عُزاز
مستنيين إنجاز
يكمل بيه البرواز
تفضل لسنين فكراك
***
مهما تشوف اوعى تخاف
وهتوصل للأهداف
توقيع لازم ينضاف
على كل نجيله هناك
***
في بيوتنا وليك مطرح
والنبي خلينا نفرح
شجر الأحلام يطرح
بعد سنين يستناك
***
مصر معاك وانت هناك
مش نسياك جايه وراك
................
شعر: حسام العقدة