رباعيات ( يا ساكن القاع )
***
يا ساكن القاع حقيقة العبد في سيرته
يا ريت تحكيلنا عللي سمعته أو شفته
صحيح يا موت مفرقنا ولكن يوم
بيرجع قبر يجمعنا ما بين طنته
***
دواك يا ليل لقلبي في سهر روحي
سهرت كتير ما بين حيرتي وبين نوحي
لقيت أجمل ما في الدنيا دواك لقلبي
سؤالي لربي في صمتي وفي بوحي
***
على الطيب يا عيني عليه وسيره هداية من ربه
يخاف يحكي ويتكلم ونور الحق في قلبه
كأنه غريب وطبعه غريب ومستني الخلاص منه
خلاص الروح دوا المظلوم وظالم راح يشيل ذنبه
***
بتجري الحسرة ف. عيوني على إخوه
بتجمعهم لغه واحده ودين قوه
وهانوا ووحدوا سيفهم على شعوبهم
على بيوتهم وبدلوا الرحمه بالقسوه
***
يفيدك إيه تكون مصلح يا عم صلاح
ولا قادر تعين نفسك على الإصلاح
ولو تصدق بنفسك تبدأ الأول
وبعدين تدعي من قلبك تبات مرتاح
***
( محمد محمد علي جنيدي – مصر )
[email protected]