عمري ما كنت اتخيّل
انّي اصبّح على حد امّا اصحى..
وابعت له رساله
وانا مش مستني الرد!
ولا عمري لغيت تفكيري كده..
واخدت قرار بعواطفي
او كنت مسيّر..
ولا عمري اخدت العربيه
ومشيت اتسكّع في الشارع
ولا عمري اخدت مخالفة سير..
من غير أهداف..
مش ممكن اوافق..
انّي ابقى مجرد واحد عادي
من بين الناس..
انا ديما كانت أحلامي..
في حدود الممكن
عمري ما كنت اتخيّل انّي
ممكن افرض احساسي
علي واحد.. مش متحمّس لكلامي
او مش مهتم..!
او كنت في يوم متردد
او بارجع في كلامي..
...............
لازم اعيد حساباتي..
وأحدد مين..
افضل مشغول بيه طول الوقت..؟
اول مرّه احس إن انا..
مش فاهم..
انا عاوز ايه؟!
....................
شعر: حسام العقدة