غزل البنات

-------

عارفين يا بنات

أنا راجل

لكن  زيكو

 باحتاج انى اسمع

 عبارات الإعجاب

واتمنى اللى باحبّها

 تتغزّل فى جمالى

وتقول فىّ قصايد

عمرى ما هازعل

لو حلوة 

ابتسمت فى عيونى

 وقالت :   ياجميل

أو حدفت وردة علىّ

لو جتنى  رسالة

حب وشوق وهيام

 م الفرحة هاغنى

وان رنت

حتى فى نص الليل

 معجبة بىّ

رح اقول لها

 ميرسيه

نفسى بجدّ

 اتعاكس منكو

 ياحلوين

تخبطنى جميلة فى كتفى

وتحاول سنيورة تكلمنى

يا سلام

 لو جات اللى فى بالى

 وخطبتنى

 كنت اعملها أميرة

  مملكتى

واترجّى فى ماما توافق

وبأدنى شروط

يالا يا بنت

 انت و هىّ

اتغزلوا فىّ

 نفسى اتحبّ

واحس ان انا مرغوب

موش راغب  بسّ

  --------

 مجدى الهوارى

نجع حمادى- السباقات