زمن كداب.... بقلم: محمد هناء الدين

شفت العجب م الدنيا دي والعوجاب
مش حجاب اللي تغرك لفته
ممكن يكون تحته خراب
ولا كل البدل تقف لها انتباه
ياما البدل بداري عفن متخبي
فيه رتب جزمته تاج فوق الراس
ورتب تنداس بالرجل تحت التراب
شفت القريب اخطر عدو
شفت المصالح والنفاق والخراب
فيه صديق شالك وقت زنقتك
وقريب مش فاضي يسلم
شفت الحب سلعه تتباع بالجنيه
شفت ناس متسواش حتى الجنيه
ياه يادنيا غش مخبي بين البشر
التعالب والدابه لابسين لبس الملاك
والطيبه عبط في زمن كداب
شفت العلم اللي وقفنا له تمام
بيحرقوه وسط الميدان
اه يا زمن كدب وكلك نفاق
اللي يحتاجك حبيبك اوي
تخلص المصلحه فص ملح وداب
دنيا رديه، الخير فيها شحيح
اه عليك يا زمن معاك كام تبقي حبيب
في زنقتك الكل داب وسبوك غريق
اه يا زمن للخيانه والمتاجره النخاسه
قواد بقي سياسي واعلامي كبير
وكلنا عايشين حالة خراب فخراب
اه يابلد فيكي الكل متخبي بوشوش كتير