*جنة عدن !*

*كتب/ علي منصور أحمد*

*يا ذي تباني اترك عدن .. عادك بعقلك أو جننت*

*شف كل شي إلا عدن .. عـدن عدن جنة وبيـت*

*حاسب كــلامك وأتزن .. أوبه تمــدح لا رويــت*

*شف كل شي إلا عدن .. يامن على العيبه نويت*

******

*لو خيروني سدني ولندن .. أو في دبي والكويت*

*با قول خلوا لي عدن.. جنة عدن غيرها ما بيت*

*يا ما وقالوا في برن .. لكــن ما ليلة بها أتهنيـت*

*برلين ما تشبه عدن .. اللي من شواطيها هنيت*

******

*يا ما زرت عدة مدن .. ويا ما بالصبايا التقيــت*

*الفرق شاسع يا عدن .. حورية عدن ست بيت*

*الحب فيها والشجن .. فيها الكـرم عزة وصيـت*

*الود عامر في عدن .. رغم الحـزن في كل بيت*

******

*قلبي ما تعلـــق وحـن .. الا في عــدن ابتليـــت*

*الفل يقـرح في عدن .. ريحــه يعج من كل بيت*

*حتى ولو القارح يرن .. أن رحت فيها أو نجيت*

*والله ما فـــارق عدن .. وأن دمــروها بيت بيت*

***** عدن*
*11 مارس2016م*
*[email protected] *