حوار مع قلبى ... للأديب الشاعر/ صالح سالم - المصرى

حوار مع قلبى

تعرف يا قلبى أنى نفسى أغيرك

و اختار قلب غيرك و لا يوم اعبرك

عايش فـ حب واخدك بعيد مغيرك

أخلاصك تاعبنى و آخرته هيدمرك

رافض تكون أنانى و خايف اخسرك

رافض تغدر و تخون و الغدر حطمك

خليك زيهم و اغدر و انسى غدرهم

تقدر تحب نفسك و ترد لهم جرحهم

بيع اللى باع و اشترى اغلى منهم

عيش من غير جراح و انسى همهم

عيش صبح و مسى و ادفن حزنهم

العمر ضيعته منى متمسك بحبهم

انا قلبك و انت روحى و حبى علمك

لا تبيع و لا تغدر مهما حبيبى عذبك

أجمل ما فى الحب عذابه فــ دنيتك

لو اتحرمنا منه و كأنك عايش آخرتك

لو كارهنى قوم و حاول تغير بشرتك

أو حاول تغير من الزمن لحظة مولدك

و اختار لنفسك مخلوق جديد يريحك

أعمل لك ايه ياقلبى غالبنى بحكمتك

بدعوك ياربى و انت وحدك دى قدرتك

تهدى قلبى اللى عاش على سكتك

تملاه سكينة و محبة و تكفيه مزلتك