قصيدة التفاحة
==========
تاحا تاحا تاحا وحبيبي خدوده تفاحة
تقلب شمام لو بوز ويقول مش عاوز اتجوز
واعامله كدة بحنية يفردها على شوية
ولو قلت فلوس وجهاز يعمل لى واد محتاس
واقول له عايز الشقة يدينى شقق طعمية
تاحا تاحا تاحا وحبيبي خدوده تفاحة
مسكونة كلام واونطة ويحذر من الحرامية
قررت يا عبده الاتى راح اغير كل حياتى
وابويا حا يتصدرلك وامى ده عليها حماتى
يقعد على القهوة ليلاتى ويقول لى مافيش يا حياتى
تاحا تاحا تاحا وحبيبي خدوده تفاحة
ويمشى لى جنب الحيط ويعمل فيها عبيط
ولا مرة يجيب لى هدية وكلامه عصر حنية
وبالفكر كدة بصراحة ارمى فى وشه التفاحة
وارجع واقو لده خسارة لو سيبته يقولوا حمارة
تاحا تاحا تاحا وحبيبي خدوده تفاحة
تفاحة عليها نضارة احسن من سلطة الخيارة
راح ناكل نص رغيف ونطالب نبك التسليف
وحماتى لوك لوك وكلامها بيركب توك توك
وحمايا جيبه نضيف ولكنه قصير وظريف
تاحا تاحا تاحا وحبيبي خدوده تفاحة
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
[email protected] 01005285578