فيه ناس يخاف منها الشيطان
رغم انها مش مؤمنه
عايشين في ضلمه من زمان
بس القلوب مطمنه
هيعمل ايه العسكري
والثورجي
والبلطجي
هتكسر ايه تاني السنين
هيموتونا ؟
يا سلام
طب ما احنا عايشين ميتين
يا عم ياللي فوق كراسي الحكم
عايز تتعبد
يا عم خلصني بئى
اديني لقمة عيش آكلها واتخمد
إكدب عليا ، خمني
اديني أي سراب اعيشه واتهمد
واللا احنا مش وش النظام
ولا وش عدل ولا احترام
واللا احنا شعب بتاع كلام
واللا الحضارة بتتحسد
مش وش النظام .."شعر" محمد إسماعيل سلامه
تاريخ النشر : 2012-12-09