غضب اللـه... يُمهِـل ولا يُهمِـل | بقلـم مهندس عزمي إبراهيم - صوت الاقباط
غضب اللـه

لمَّا يا جيـش مفروض تحميـني

ليه بتهيـني... وليه تئذيـني

هل طنطاوي فاكـرني يهـودي؟

أو كان قصـده يلـغي وجـودي؟

طب دنا مصري.. ومصري أصيـل

وانـا عمـري من عمـر النيـل

***

يا طنطاوي

عهـدك زي العهـد المـاضي

هـدم كنايس.. سـلب أراضي

وخطف بنـاتي وهتـك اعراضي

وعُنـف وفوضى وكلام فـاضي

ليـه تتسـابق مع اجـرامه؟

وليـه بتكـرر ظلـم ايـامه؟

***

وبتزوِّدهـا كمان وتدوسـني

بمدرعتـك جـايْ تدهسـني

وآل مندوبـك جـاي يبوسـني

اقتـل واظـلم

وانكـر واكـذب واللــه عالـِم

واللــه هو اللي حيحرســني

وغضَب اللـه حيهـِد الظـالم

زي ما هـَـدّ وهـَـزَّأ حُسـني

***