بالحلم: بقلم عمر فاروق عبد الواحد

تاريخ النشر : 2012-06-10

تاريخ الكتابة: 7 حزيران 2012
تدري إشفت بالحلم؟
شفتك حبيبي فرح.. وآني أضحك وأبتسم..
وتدري إشفت بالحلم؟
شفتك سما للگمر.. تحضن إغيوم ونجم..
وتدري إشفت بالحلم؟
شفتك طريق العشگ.. وآني بسبيله أهِم..
ولمن أصل أنتهي.. وأصبح إبلايه إسم..
وتدري إشفت بالحلم؟
إعيونك الماتنوصف.. إو خط الحواجب رسم..
وشفتك عطرها الورد.. يا بخت ذاك إليشم..
و تدري إشفت بالحلم؟
شفت الحِسن مستحي .. من تنذكر بالإسم..
يمكن جمالك سحر.. و يمكن محبتك حلم..
لكني وبكل فخر .. أهواك حِلم وعِلِم..
وأطلب عيوني إلك.. أفديك روح وجسم..