يا بو صفـــره النصيري الذيب ســـرحان


النصيري



يا بو صفـــره النصيري الذيب ســـرحان
نديم الليل والخيل وبالســـيف ســــــــاريها

أنا ولـــد الحَــــرْ والبَــــْر والذبح للضيفان
وشـــقيت العمــر أمشي فـدروب براريهـا

وأدور القنـــص والحجل ومكحلة الغزلان
ولا أشــرب من مــي تن بالطيــن راميـها

أمشي هجير الشمــس والثـــوب غــــرقان
والعرق ينــسنـس شــذا بالمـروه ســــاقيها

ف السامر نــقول بـَدع وطيب,ت الألحان
وهذا سِـــبر أهلنـا والحاشي* يحوم حافيها

والغَـــزل مِثــل الحَجل ورمــى الصُلجـان
مـــن قـــال لـــك ياخــويي علـومنا ناسيها

أشـب الجمر والقثــْرصه* فـي البـُرصان*
وأموص* العـَجره* وبالسـمن ضـــافيهـــا

ويـــوم المَــرق*أهــبهـــب نار الصيجان*
والذبيـــحه فالحـــال اصلخــها وأشـــويها


وأقـــص أثـــاري الذيــب والليــل سـهران
ويســتسمـــحتى يا نصيــــري خَـلنـي ليها

ذيـــب لذيــــب ما بيـــنـــنا وقــت خسران
النصيـــري ليالــــي البــــر عتــمه ماشيها

وأجلــــس في صـدر البيت أميرغـَرســان

وقهيوتي بالهيل يا حليلها ما يعطش راويها

ونجـــري صـــوتــه يهــــدي صـــم الاذان
ومهباشـــي رنيم الصوت جـــوده يعليهـــا

يا كـُــثر مشـــييي علــى الطعس* والكثبان
والبحـــر ســـباحه أغوصــه فــي سواريها

الشروه ماهي بيعـة "فجل" وشَــبر وفستان
وسوبرماركت نتمطع في درب شــــراويها

هذا نسيب والبوح نقوله ف كُـل الازمـان
ونســرح ونمـــرح وبالربع نحمي مراعيها

وان كان على علـوم العــرب لها ســـهران
والحميه أشـبها نـار تـهــدي خــلا ناســـيها

ولملقانا عنــــد القـــادود يامرحبــا بالخلان
عزيز اللقــا والمطهـــره فــي قـوله نلاقيها



*****
شواطئ الأدب

***
والحاشي*....المرأه التي ترقص على السامر

والقثــْرصه* ...خبز يوضع ويغطى بالجمر حتي يستوي
البـُرصان*....الرمل الناعم الكثيب

وأموص* العـَجره*....العجره شوي البطيخ الصغير جدا الغير مستوي..اموصه أي افركه بيدي

الصيجان*....صاج الطهي
الطعس*....الكثبان الوعره