فى التليفزيون
والراديو كمان
فى الجرايد
اشكال والوان
الكل بيغنى وفرحان
اصل صاحبنا
ساب المكان
وحنختار غيره
بـدمـاغنــا...
يا اهل المغنى
غنوا وقولوا
ما احنا صبحنا
احــــرار

والحلم اهو راح
وصاحبنا طلع
بسبع ارواح
وصحيت من النوم
على ضرب الشوم
نازل فوق راسى
وشوية بوم
بيزومم زوم
اسود لابسين
زى الشياطين
فوق يالا وقوم
وتعالى معانا
مين كان معاك فى الحلم؟
مين حرضك على الحلم؟
شلاليت واقلام
زى الافلام
بطل احلام
بطل احلام

معرفش ازاى خرجت
لكن قررت منامش
علشان محلمش
واتعذب تانى
قررت منامش
علشان محلمش
واتعذب تانى