كان يا مكان في قديم الزمان.... قصص وحكايات بتحكي عن البلاد وعن أيام زمان

.......... عن أيام كانت فيها العيشة هنا ووئام... وتفرش الحصيرة تحت شجرة

التين وتنام .......... وما تسمع غير تغريد العصفور وهديل الحمام

تصحى على صوت الآذان يقول الله اكبر قوموا يا عباد الله اذكروا الله وصلوا على ا

لحبيب المصطفى خير الأنام . واشكروا رب العباد على عيشة أحلى من الأحلام

بس اليوم.. عم نصحى وما بنعرف ننام .. ولو الجفن غمض ونام ما بيشوف غير

كوابيس وأحلام ..درب من الخيال

صارت العيشة هم وغم, وقلوب مكسورة ما بيزول منها الهم وعيون حيرانة بتقول

وين الأمن وين السلام وين المحبة يا ناس... ليش ضاعت النخوة, وصار الأخ يقتل أخوة

علشان جرة غاز ... يا ربي شو هالالغاز

احتار قلبي واحتار العقل بالراس ولساني حيران شو يحكي وشو يخبر عن الناس

الكل مشغول سولار.. غاز ..كاز.. يا ناس هالشي يقلب العقل بالراس

بامشي بالشارع وباشوف الناس وما هي ناس ناس مكممه وكاتمه الأنفاس ما

ادري خايفة من ريحه السيرج المخلوط بالكاز ولا يمكن مكممين اللسان علشان ما

يحكي ويخبر وقول مصيبتنا مصيبة يا ناس والمصيبة الكل تعبان وعنده وجع راس

وصارت المعدة مخزن للهموم ومن الادويه محشية اكياس والصدر ضاق من

الوسواس الخناس ... يوم يقولك راحت وايجت رايس وأنا شايفة هالمسكين محتاس

وناس تقول كله منك يا عباس وناس تقول لا كله من حماس..............

طيب يا ربي شبعنا من شرب هالكاس والله بيكفي جاي على بالي اشرب عصير أناناس
بيقولوا أناناس ما في عصير ما في والصودا صارت ميه نار وحبه الجالكسي سعرها بسعر الخيار
يا إما بتظلك ساكت ومحتاس شو نعملك هيك بدهم بالأساس
لحد ما تتعطف الكونداليزا رايس وتحل المشكلة مk الأساس
اعتماد ابو طاحون