اول شي ان شاء الله تكوني بخير .. طبعا انا ازا ما رديت عليكي, السبب هو اني طبعا ما بدخل على الصفحه هاد كل يوم وحتى نسيت ادخل على الصفحه لاني مشغول وشغلي ماخد كل وقتي. انا ما بكره اي انسان وما بكرهك انتي بالذات لانو ما فيو هناك سبب للكره .. طبعا انتي وثقتي فيني وحكينا بامور عامه وكنتي تستشيريني بامور معينه وانا كنت اجاوبك واحكيلك رأي .. والثقه كانت متبادله .. وما اظن اني خنت الثقه وبعدين انا ما بعرفك وما بعرف اسمك وما بعرف إلا شغلات سطحيه عنك وبس, فكيف بتحكمي اني خنت الثقه وكيف بتتأسفي على ثقتك فيني !! انا ما عملت شي غلط معاكي .. بالعكس احترمتك كانسانه وكنت اجاوبك بشكل حضاري وبحدود الادب والاحترام وما في داعي انك تحكي انو ياللي حصلك بسببي !! يعني انا مش فاهم شو ياللي صار !! عم تحكي انهيار عصبي واكتئاب ... الخ !! وكل هاد بسببي انا !!!! ياللي بيسمعك او بيقراء كلامك بيحكي انو انا سبب مصايبك كلها .. الامور ما بتستاهل كل هالشي هاد .. الحمدلله انا متأكد ( اقرأي جميع ردودي السابقه على تعليقاتك) الحمدلله ما رح تلاقي اني في يوم خرجت عن حدود الادب او وعدتك بش او ....الخ ) انا كانت وجهة نظري, بتختلف عن وجهة نظرك لاني ما بـيـئـدر كمل حوار بهالطريقه هاد من خلال تعليقات .. وانتي وجهت نظرك كانت مخالفه لوجهة نظري واحترمت وجهة نظرك واحترمتك ومنشان هيك قررنا انو نوقف التعليقات وهاد ياللي صار ... ما بعرف هلاء لشو عم تحكي انو كل شي بسبي ومش عارف شو كمان ... !
على كل حال ربنا معاكي وربنا يوفئك ... تحياتي