شعر: محمد محمد علي جنيدي - مصر
يللي أدمنت الأغاني
بس مش لاقي المعاني
القمر تايه وغايب
والجراج طالت ليالي
القلوب الصابره دابت
والحبايب لم تبالي
كل نجمه دموعها جاريه
والهموم طافت علينا
والقلوب الحلوه تعبت
والأسى دبّل عنينا
آه يا نسمه يللي تايهه
عن ورودنا وعن ديارنا
آه يابسمتنا اللي غايبه
واللي دبلت من تعبنا
لسه فكْره ذكرياتنا
اللي عشناها ف. سلامك
ليكي حق تغيبي عنا
ليكي حق يطول خصامك
بس لسه ف.قلبي كلمه
للي واقف واللي ماشي
واللي متألم ليلاتي
واللي دَمْعُه ف. قلبه جاري
واللي مش قادر يهاتي..
هيه كلمه بألف معنى
يبقى مَعْنَا ويرضينا
يوم نقولها من قلوبنا
واحنا رافعينله إيدينا
هوه مين غيره يداوينا
ولّا مين يشفي دموعنا
قبل ما تفيض من عنينا
أيوه هوه... هوه وحده
اللي عالم بللي فينا
