رباعيات يا رب

رباعيات يا رب

بقلم: محمد محمد علي جنيدي - مصر

أنا يا رب محتاجلك أكون وياك
أنا أتمنى من قلبي أعيش برضاك
أنا عبد ومليش غيرك ومطمن
يقيني ف. سجدتي ودمعه بتترجاك
==
يا رب سترك واحمِ عبدك م. الكروب
عفوك تملي يمحي أطنان الذنوب
خليني جنبك أذكرك وانت المعين
أنا ليَّه مين غيرك يا عالم بالقلوب
==
دقت الهنا دقت العذاب وبقيت غريب
شفت الأمان بسمه على وجه الحبيب
وبقيت بخاف من ضعفي بس لقيت أكيد
أجمل دموعي في سجودي للرقيب
==
إياك تخاف يا قلبي يبقى مفيش أمان
إياك تسلم للندم وتقول دل كان
استنى بكره وابتسم مهما يكون
جدد إيمانك لما تسمع صوت آذان