الحب مفيش أجمل منه
قصيدة للشاعر شفيق السعيد
وكٌــلك احساس
ليه تخافي وليه تبعدي عنه
وتحِـسبي للناس
مستنى انا قلبي تشاوري له
يا أميرتي يا أجمل مواويله
سهران مع طيفك طول ليله
والشوق وناس
الحب مفيش أجمل منه
وكٌــلك احساس
عنيكى بتقول وتلمح
والنظرة تبوح
خيالي بيسرح وبيرمح
عــدي المسموح
وياكي انا وانت لوحدينا
والدنيا ما حـِليت غير لينا
الفرح مرفرف حوالينا
دايبين إخلاص
الحب مفيش أجمل منه
وكـُــلك احساس
من غـِيرتي عليكى تبان حيرتي
أول ما تِـهلي
وأشوف في عيون الناس سيرتي
عاشقك أنا كـُلي
ويقولوا الناس مهما يقولوا
أيه يعنى وهما كانوا يطولوا
ملكت الكون عرضه وطوله
وياكي خلاص
الحب مفيش أجمل منه
وكلك إحساس
