فلاح بسيط
بقلم: شفيق السعيد
فـلاح وابـان بسيــط
واتدارا في ضِل حيط
لكن عزيز في نفسي
ومثقف مـــش عبيط
أتبسم واضحك وانَـِكـت
واسامح واعدي واسكت
واخد ما اسبش حقي
لو نسمه بكرامتي مَسِـت
صافي الضمير لربي
وكل الناس حبايبي
واحب الحق دايما
دوغري واضح ما اخبي
واخاف من عبد ليه
الرزق مش بإيديه
ربي الكريم حامينى
ورامي الحمول عليه
ما اهتمش غير بحالي
وعيالي رأس مالي
أنام وبالي رايق
واصحى م الفكر خالي
بحب الجـمـال بطبـعى
وعُمري ما كنت راجعي
بحاول أعيش لبكره
وأحسْن دايمًا في وضعي
بقلم: شفيق السعيد
فـلاح وابـان بسيــط
واتدارا في ضِل حيط
لكن عزيز في نفسي
ومثقف مـــش عبيط
أتبسم واضحك وانَـِكـت
واسامح واعدي واسكت
واخد ما اسبش حقي
لو نسمه بكرامتي مَسِـت
صافي الضمير لربي
وكل الناس حبايبي
واحب الحق دايما
دوغري واضح ما اخبي
واخاف من عبد ليه
الرزق مش بإيديه
ربي الكريم حامينى
ورامي الحمول عليه
ما اهتمش غير بحالي
وعيالي رأس مالي
أنام وبالي رايق
واصحى م الفكر خالي
بحب الجـمـال بطبـعى
وعُمري ما كنت راجعي
بحاول أعيش لبكره
وأحسْن دايمًا في وضعي
