مالك يا الجنيه

مالك يا الجنية

بقلم: الشاعر شفيق السعيد

ابن الحسب والنسب
قوه وإرادة وعصب
رأسه برأس الدهب
صاحب كلمة وقرار

شهم يشرًف صحابه
مفتوله عضلات جنابه
الكل كان يعمل حسابه
من الين الي الدولار

بلاد كانت تعمر بحسه
اوروبا تنحنى له تعِـزه
تستلف تعيش في عِزه
كريم مع الجميع وبار

في أي سباق بيسبق
ولا كانت معاه بتفرق
عويم ما عمره يغرق
ويفوت من أقوي نار

فجأه صابه اللى صابه
في عز عنفوان شبابه
وقع ما قام جنابه
وصابه الانكسار

مالك يا الجنيه ما تقول
مقصوده والفاعل مجهول
ونومتك يا تري هتطول
ولا لازم لك زار