قصائد مسروقة من روحها
شعر: حسام العقدة
تعرف..؟! انا تركيبه غريبه
مش عارفه بحبك ليه؟!
ولا عارفه افصل نفسي..
عن نفسي..
وكإنك آخر لحظات العُمر
انا باكتب إحساسي وبس..!
الحب جميل لو يبقى ألم.. وشِفا
اوّل مرّه أخاف م الموت
اوّل مرّه أخاف من نفسي..
تعرف.. وانا باخد شاور الصبح
جيت على بالي
وسرحت في نظراتك
قولت لنفسي..
هل ممكن حُبه يضيع
لمّا شبابي يضيع؟!
مع إني اتمنى افضل جنبك
مهما كبرت.. وعجزت
سهرانه معاك بخيالي
مش عاوزه أبطّل تفكير
ولا عقلي بيرحمني..
عاوزه افضل جنبك
اصحى على عينيك
افتكرك وانت بعيد
ارجع واعشق عمري
محتاجه اعيد عمري من الأول ويّاك
محتاجه حياه..
اوعى تقول إن قلوبنا هتكبر.. وتعجّز
اوعى تقول إن الحُب في يوم هيشيخ
كده بتخوفني..!
العشق مالوش لا بدايه ولا نهايه!
انا بس بحاول أفهم تفكيرك..
عارف..؟ انا ليه بافضل سهرانه؟
علشان خايفه تفوتني دقيقه معاك
مش عارفه اشرح لك إحساسي
لكن.. انت حياتي اللي اتسرقت منّي
وانت الدنيا اللي انا عاوزه أعيشها
ولعلمك..
انا بافضل اناقش نفسي يوماتي
وأقول لها: انت بتعملي إيه؟!
رايحه لفين؟!
بيكون الرد..
إن النظره في عينك..
بتساوي حياه..
اجمل من أي حياه
تعرف..؟
انا حاسّه إن العمر ما ضاعش
رغم عذابي سنين..!
حاسّه إني رجعت معاك لبدايتي
كل كلامي معاك دلوقتي..
كانت بتقوله عينيه زمان لعينيك
لكن دلوقتي - بحبك - وهاقولها
وهاكتبها..
عاوزه العالم كلُه يشوفني معاك
عاوزه امسك في حياتي معاك
باحلم..
وانا حاضنه إيديك في ايديّه
وبلون فستاني.. ومكياچي
الفرحه هتبقى كبيره عليّه
مش عارفه الأقدار..
ممكن تهديني حياه ويّاك؟!
ولّا هتبخل ؟!
لو باحلم ؟!.. يبقى انت الحلم
لو ليّه حياه؟! يبقى انت حياتي
تخيّل عِشت معاك عمر بحاله
وانا باحلم بيك
ووصلت لآخر أيّامي
والناس بتعزيك..
وصحيت..!
عارف لو عمري رجع م الأول؟
هاختارك تاني.. وهاحبك تاني
ياما ناس إتهيأ لها إنها بتحب!
نفسي احافظ على نفسي
علشان اعرف احبك
آسفه انّي ما صونتش..
سِر رجوعنا لبعض
تشرب شاي ويّايا؟!
حاسّه إن انت بجد معايا
عارف.. لمّا باحب اتفرّج على نفسي
في مرايتي؟!
باتكلّم ويّاك
وانت بعيد عنّي..
عِشت سنين عُزله
بس كرهت الخوف والضعف
قررت اكسرهم..
بس باحِس انّي بقيت أنانيّه
هو انا محتاجه طبيب نفسي؟!
جوايا حَد قوي.. مع حَد ضعيف
مين الصح؟!
وليه الناس عوزاني أكمّل..؟!
وانا عاوزه أدوّر على نفسي الضايعه
عارف..؟ انا يكفيني كلامي معاك
نفسي تكون علاقتنا حلال..
ديما ييجي على بالي..
لحظات الغُسل
مش عاوزه ذنوب..
لكن مش عاوزه ابعد عنّك!
علشان أبني حياه..
لازم اهِد حياه..!
هو انت شايفني ازاي؟!
ممكن توصفني؟!
علشان اتعرّف على نفسي
بُص..
انا لو هاقعد احكي لك
مش هاسكت..!
اصلي بقالي سنين خرسا
ومش قادره اتخيّل إنّي قابلتك
ولا شوفتك..!
وخيالي ساعات افتكر إنه حقيقه..!
عمري اللي قضيته بعيد عنّك
وكإني باقلّب في كتاب فاضي
كنت اصحى من النوم..
يتهيألي لي إن انا مخطوفه..!
مع ناس أغراب..
واتمنى انّي أكون باحلم
عارف إن الحب..
مش زي نزار قباني ما قال..
إن الناس مخترعاه!
الحب قدر
خايفه نضيع من بعض
نفسي اقول للناس حكايتنا
وانّي بحبك من صغري
خبّيني في حضنك م العالم
خلّيني اتنفس أنفاسك
كان فيه فيلم لشاديه
كانت بالليل مع جوزها..
والصبح تروح لحبيبها
كان عندها مشكله نفسيه!
فاكر إسم الفيلم؟
ممكن تبقى تصلي..
وتدعي نكون مع بعض..؟!
شعر: حسام العقدة
تعرف..؟! انا تركيبه غريبه
مش عارفه بحبك ليه؟!
ولا عارفه افصل نفسي..
عن نفسي..
وكإنك آخر لحظات العُمر
انا باكتب إحساسي وبس..!
الحب جميل لو يبقى ألم.. وشِفا
اوّل مرّه أخاف م الموت
اوّل مرّه أخاف من نفسي..
تعرف.. وانا باخد شاور الصبح
جيت على بالي
وسرحت في نظراتك
قولت لنفسي..
هل ممكن حُبه يضيع
لمّا شبابي يضيع؟!
مع إني اتمنى افضل جنبك
مهما كبرت.. وعجزت
سهرانه معاك بخيالي
مش عاوزه أبطّل تفكير
ولا عقلي بيرحمني..
عاوزه افضل جنبك
اصحى على عينيك
افتكرك وانت بعيد
ارجع واعشق عمري
محتاجه اعيد عمري من الأول ويّاك
محتاجه حياه..
اوعى تقول إن قلوبنا هتكبر.. وتعجّز
اوعى تقول إن الحُب في يوم هيشيخ
كده بتخوفني..!
العشق مالوش لا بدايه ولا نهايه!
انا بس بحاول أفهم تفكيرك..
عارف..؟ انا ليه بافضل سهرانه؟
علشان خايفه تفوتني دقيقه معاك
مش عارفه اشرح لك إحساسي
لكن.. انت حياتي اللي اتسرقت منّي
وانت الدنيا اللي انا عاوزه أعيشها
ولعلمك..
انا بافضل اناقش نفسي يوماتي
وأقول لها: انت بتعملي إيه؟!
رايحه لفين؟!
بيكون الرد..
إن النظره في عينك..
بتساوي حياه..
اجمل من أي حياه
تعرف..؟
انا حاسّه إن العمر ما ضاعش
رغم عذابي سنين..!
حاسّه إني رجعت معاك لبدايتي
كل كلامي معاك دلوقتي..
كانت بتقوله عينيه زمان لعينيك
لكن دلوقتي - بحبك - وهاقولها
وهاكتبها..
عاوزه العالم كلُه يشوفني معاك
عاوزه امسك في حياتي معاك
باحلم..
وانا حاضنه إيديك في ايديّه
وبلون فستاني.. ومكياچي
الفرحه هتبقى كبيره عليّه
مش عارفه الأقدار..
ممكن تهديني حياه ويّاك؟!
ولّا هتبخل ؟!
لو باحلم ؟!.. يبقى انت الحلم
لو ليّه حياه؟! يبقى انت حياتي
تخيّل عِشت معاك عمر بحاله
وانا باحلم بيك
ووصلت لآخر أيّامي
والناس بتعزيك..
وصحيت..!
عارف لو عمري رجع م الأول؟
هاختارك تاني.. وهاحبك تاني
ياما ناس إتهيأ لها إنها بتحب!
نفسي احافظ على نفسي
علشان اعرف احبك
آسفه انّي ما صونتش..
سِر رجوعنا لبعض
تشرب شاي ويّايا؟!
حاسّه إن انت بجد معايا
عارف.. لمّا باحب اتفرّج على نفسي
في مرايتي؟!
باتكلّم ويّاك
وانت بعيد عنّي..
عِشت سنين عُزله
بس كرهت الخوف والضعف
قررت اكسرهم..
بس باحِس انّي بقيت أنانيّه
هو انا محتاجه طبيب نفسي؟!
جوايا حَد قوي.. مع حَد ضعيف
مين الصح؟!
وليه الناس عوزاني أكمّل..؟!
وانا عاوزه أدوّر على نفسي الضايعه
عارف..؟ انا يكفيني كلامي معاك
نفسي تكون علاقتنا حلال..
ديما ييجي على بالي..
لحظات الغُسل
مش عاوزه ذنوب..
لكن مش عاوزه ابعد عنّك!
علشان أبني حياه..
لازم اهِد حياه..!
هو انت شايفني ازاي؟!
ممكن توصفني؟!
علشان اتعرّف على نفسي
بُص..
انا لو هاقعد احكي لك
مش هاسكت..!
اصلي بقالي سنين خرسا
ومش قادره اتخيّل إنّي قابلتك
ولا شوفتك..!
وخيالي ساعات افتكر إنه حقيقه..!
عمري اللي قضيته بعيد عنّك
وكإني باقلّب في كتاب فاضي
كنت اصحى من النوم..
يتهيألي لي إن انا مخطوفه..!
مع ناس أغراب..
واتمنى انّي أكون باحلم
عارف إن الحب..
مش زي نزار قباني ما قال..
إن الناس مخترعاه!
الحب قدر
خايفه نضيع من بعض
نفسي اقول للناس حكايتنا
وانّي بحبك من صغري
خبّيني في حضنك م العالم
خلّيني اتنفس أنفاسك
كان فيه فيلم لشاديه
كانت بالليل مع جوزها..
والصبح تروح لحبيبها
كان عندها مشكله نفسيه!
فاكر إسم الفيلم؟
ممكن تبقى تصلي..
وتدعي نكون مع بعض..؟!