نهار/ محاولة للتفسير
بقلم: ماهر طلبة
نهار غريب.. صحيت أنام النوم لقيته واقف فى البلكونة على السوربيضحك.. مرات قليلة قوى، يمكن مرتين أو ثلاثة إللى قابلت فيها نهار بيضحك.. "مرة لما عيسى قدر يهرب ماليهود وطلع لفوق، ومرة لما قابلت البنت إللىحَاوَلت تعدل حياتي وانتحرت لما فشلت، والمرة الثالثة.. مش فاكر، بدأت أنسى حتى حالات النهار المضحكة.. " أغلب نهاراتي راسمة على وشها بألوان باهتة رسم غريب.. يمكن حزن، يمكن أسى، يمكن حيرة، بل حتى يمكن غيظمن إللى بيحصل حوالينا ومش قادرين نغيره.. . كنت بقعد طول النهار- لحد ما الليليشوف تعبي وحيرتي فأصعب عليه ويقول لي قوم نام - أحاول أعرف أيه المرسوم دا..وبالليل أحلم وأحلم وأحلم.. يمكن ساعات أقدر أدْخُل حلم سعيد وأضحك، ويمكن ساعات ما قدرشأَدخّل الضحكة بقى فأفضل طول الليل مكشر.. رميت البطانية بسرعة، وقمت أسحب أحاول أمسكه قبل ما يطير أو يقع في الشارع، لكن لما قربت منه لقيت حواليه بركة ميه.. ماكانش بيضحك.. لكن كان راسم نفس الرسم المحيرعلى وشه.. أنا رجعت براحة، وقعدت على طرف السرير، وجبت الورقة والقلم، وبدأت أكتب علشان أقدر أفسر حالة النهار.
بقلم: ماهر طلبة
نهار غريب.. صحيت أنام النوم لقيته واقف فى البلكونة على السوربيضحك.. مرات قليلة قوى، يمكن مرتين أو ثلاثة إللى قابلت فيها نهار بيضحك.. "مرة لما عيسى قدر يهرب ماليهود وطلع لفوق، ومرة لما قابلت البنت إللىحَاوَلت تعدل حياتي وانتحرت لما فشلت، والمرة الثالثة.. مش فاكر، بدأت أنسى حتى حالات النهار المضحكة.. " أغلب نهاراتي راسمة على وشها بألوان باهتة رسم غريب.. يمكن حزن، يمكن أسى، يمكن حيرة، بل حتى يمكن غيظمن إللى بيحصل حوالينا ومش قادرين نغيره.. . كنت بقعد طول النهار- لحد ما الليليشوف تعبي وحيرتي فأصعب عليه ويقول لي قوم نام - أحاول أعرف أيه المرسوم دا..وبالليل أحلم وأحلم وأحلم.. يمكن ساعات أقدر أدْخُل حلم سعيد وأضحك، ويمكن ساعات ما قدرشأَدخّل الضحكة بقى فأفضل طول الليل مكشر.. رميت البطانية بسرعة، وقمت أسحب أحاول أمسكه قبل ما يطير أو يقع في الشارع، لكن لما قربت منه لقيت حواليه بركة ميه.. ماكانش بيضحك.. لكن كان راسم نفس الرسم المحيرعلى وشه.. أنا رجعت براحة، وقعدت على طرف السرير، وجبت الورقة والقلم، وبدأت أكتب علشان أقدر أفسر حالة النهار.
