بقلم: نيرة كامل
بقالك كام سنة مسحول في أنظمة التخسيس والدايت والحياة الصحية ومش عارف تحقق هدفك وتوصل للوزن المثالي؟؟
نقول مثلاً 20 سنة بتحاول فيهم تخس ومش عارف، حتي بعد ما مجتمع دكاترة التغذية والتخسيس غزوا العالم وبقينا نسمع عن منتجات جديدة زي الماتشا وعصائر الأنيميا والباربروتين وغيرهم.
لا وكمان في أنظمة تخسيس كتيرة تم إكتشافها مؤخراً زي الكيتو دايت وال OMAD دايت "نظام الوجبة الواحدة" ومابين صياح النباتين والحيوانين " دي مش شتيمة دي عشان انت بتاكل فراخ ولحمة عادي"
انت تايهه ومش لاقي مخرج ينقذك من السمنة وأمراضها.
معندكش إرادة تساعدك ولا طاقة تنزل بيها الجيم، قاعد قدام التلفيزيون تندب حظك عشان مطلعتش بجينات الرفيعين وجسمك مبيحرقش بسهولة..
أحب أهنئك وأقولك إنك مش لوحدك،في 53% من أخواتك البالغين حول العالم بيندبوا حظهم زيك كده … بس مش كلهم طبعاً قاعدين قدام التلفزيون.
جزء منهم بيحاول مع دكاترة نفسيين إنهم يتقبلوا شكلهم ويحبوا نفسهم، يمكن حبهم لنفسهم يساعدهم علي تغيير شكل جسمهم ويسعوا لحياة صحية أفضل وده بكذا طريقة سهله
أهمهم هي إنهم قرروا يشربوا 2 لتر مياة يومياً وخصوصا البنات عشان بشرتها، ومنهم اللي بدأ يدخل الخضار في أكله والفاكهة كمان
شايفك ياللي بتقول انا مبحبهمش أنا كمان زيك مبيحبونيش ... بس خلينا نعتبرهم دوا ياسيدي وناكلهم حتي لو بنسبة بسيطة تدريجياً
خلاص إنزل الجيم.... مش هينفع .. تمام
خلاص في حل جديد لانج محدش قاله قبل كده في أي حته هو انك تقطع النشويات والسكريات.
مش عاجبك بس خلاص احنا نرجع نجرب دايت تاني ونفشل تاني عادي.
ها بقي خلصت الساندوتش اللي في إيدك ولا لسه، اكيد مفيش أي حاجة نافعة معاك من المعلومات دي؟ سيبك انت ياتري بتاكل إيه وإنت بتقرا المقال ده!!
نقول مثلاً 20 سنة بتحاول فيهم تخس ومش عارف، حتي بعد ما مجتمع دكاترة التغذية والتخسيس غزوا العالم وبقينا نسمع عن منتجات جديدة زي الماتشا وعصائر الأنيميا والباربروتين وغيرهم.
لا وكمان في أنظمة تخسيس كتيرة تم إكتشافها مؤخراً زي الكيتو دايت وال OMAD دايت "نظام الوجبة الواحدة" ومابين صياح النباتين والحيوانين " دي مش شتيمة دي عشان انت بتاكل فراخ ولحمة عادي"
انت تايهه ومش لاقي مخرج ينقذك من السمنة وأمراضها.
معندكش إرادة تساعدك ولا طاقة تنزل بيها الجيم، قاعد قدام التلفيزيون تندب حظك عشان مطلعتش بجينات الرفيعين وجسمك مبيحرقش بسهولة..
أحب أهنئك وأقولك إنك مش لوحدك،في 53% من أخواتك البالغين حول العالم بيندبوا حظهم زيك كده … بس مش كلهم طبعاً قاعدين قدام التلفزيون.
جزء منهم بيحاول مع دكاترة نفسيين إنهم يتقبلوا شكلهم ويحبوا نفسهم، يمكن حبهم لنفسهم يساعدهم علي تغيير شكل جسمهم ويسعوا لحياة صحية أفضل وده بكذا طريقة سهله
أهمهم هي إنهم قرروا يشربوا 2 لتر مياة يومياً وخصوصا البنات عشان بشرتها، ومنهم اللي بدأ يدخل الخضار في أكله والفاكهة كمان
شايفك ياللي بتقول انا مبحبهمش أنا كمان زيك مبيحبونيش ... بس خلينا نعتبرهم دوا ياسيدي وناكلهم حتي لو بنسبة بسيطة تدريجياً
خلاص إنزل الجيم.... مش هينفع .. تمام
خلاص في حل جديد لانج محدش قاله قبل كده في أي حته هو انك تقطع النشويات والسكريات.
مش عاجبك بس خلاص احنا نرجع نجرب دايت تاني ونفشل تاني عادي.
ها بقي خلصت الساندوتش اللي في إيدك ولا لسه، اكيد مفيش أي حاجة نافعة معاك من المعلومات دي؟ سيبك انت ياتري بتاكل إيه وإنت بتقرا المقال ده!!
