الأخبار
قد تستمر أسبوعا.. (كابينت) يصادق على توسيع العمليات في غزةمصر توجه بفتح معبر رفح لنقل المصابين والحالات الحرجة جراء القصف الاسرائيلي على غزةأربعة شهداء بقصف لطائرات الاحتلال مجموعة من المواطنين بمخيم النصيرات وسط القطاعالمكتب الإعلامي الحكومي يعلق على قصف طائرات الاحتلال برج الشروق وسط غزةالبيت الأبيض يتحدث عن جهود التهدئة وسط استمرار قصف الاحتلال بغزةشاهد: إصابة ثلاثة إسرائيليين بسديروت وتضرر مبان في عسقلان برشقات صواريخ المقاومةالمقاومة تطلق رشقات صاروخية تجاه تل أبيب بعد تدمير برج الشروق بغزةهنية: المقاومة إرادتها صلبة وذراعها طويلة ومستعدة لكل السيناريوهات المحتملةشاهد: قوات الاحتلال تدمر برج الشروق بالكامل وسط مدينة غزةتنويه من "الداخلية" بغزة بخصوص عمل معبر رفح خلال إجازة عيد الفطرزوجة يحيى عياش تعلق على اغتيال قائد لواء غزة في كتائب القساماشتية: بتوجيهات من الرئيس نعمل كل الممكن من أجل حماية أهلنا بغزة ووقف العدوانسرايا القدس: المقاومة جهزت نفسها واستشهاد أي قائد لن يوقف المعركة وسيزيدها عنفواناحماس: على الاحتلال أن يستعد لدفع الثمن بعد استهداف قائد لواء غزةالاحتلال يوقف العمل في منصة الغاز (تمار) تخوفاً من إصابتها بصواريخ المقاومة
2021/5/12
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

المهم قبة بقلم رشيد حمدان

تاريخ النشر : 2021-05-04
المهم قبة

بقلم: رشيد حمدان

إحنا شعب بدنا انتخابات

بدنا انتخابات بالقدس

وبدنا انتخابات بدون القدس

إحنا شعب بدنا قبة الصخرة بس ممكن نكتفي بقبة التشريعي

بدناش أوسلو بس بدنا تصريح نروح على عكا

بدناش تنسيق بس بدنا نبعت رسالة على صفحة المنسق

إحنا شعب بنكره المسؤولين بس لما نشوفهم بنعزمهم على خرفان محشية

إحنا بدنا نوخد قرض من البنك نشتري لاند روفر وما معنا نعبيه بنزين

وبنفرح لما نستلم المبلغ وبندعي عليهم لما ينخصم اول قسط

وبنسب على سلام فياض عشان اخدنا القرض !! ( مش عارف ليش ) !!

إحنا شعب من حقنا نتاجر بس بدناش ندفع ضريبة

بدنا نقاطع منتج الأعداء بإسنثناء الأشياء الزاكية

بدنا شارع حلو وبدنا نرمي فيه علبة الكولا

بدنا رصيف مرتب وبدناش نمشي عليه

بدنا حاوية وبدنا نترك الزبالة جنبها

وبنرمي زبالتنا من شباك السيارة ولما نروح على نتانيا بنحكي ( يا الله شو نضيفة البلد )

بدنا طب على أصوله وبدنا نكسر الطورائ لما نزعل

إحنا شعب بدنا لقاح كورونا زي العالم

وإحنا شعب بنعرف أي لقاح أحسن واذا ما لقينا اللقاح الي بدنا اياه بنحرد وما بنتطعم

إحنا ما بدنا إغلاق لا جمعة ولا سبت وبدنا نعمل أعراس وممنوع نمرض

إحنا شعب بدنا الحكومة تعمل إجراءات صارمة وما بدنا نلتزم فيها

إحنا شعب بعتبر كورونا مؤامرة واذا حدا من عيلتنا صابته العدوى بنسب على الحكومة عشان مش لاقي لقريبه مكان مريح بالمستشفى

إحنا شعب بدنا نطخ بالعرس وبدناش ننزعج ولا بدنا حدا ينصاب برصاصة طايشة

إحنا شعب بدنا ديمقراطية وبدناش حدا يناقشنا

بنحترم الرأي الآخر بس ما بدنا نسمعه

بدنا أمن بس بدناش نحترم النظام

إحنا بدنا أشياء وأشياء ما أنزل الله بها من سلطان 

 أهم إشي إنه الي بيسري على غيري ما يسري علي

ولانه على راس كل واحد فينا ريشة بنحب مبدأ ( يحق لي ما لا يحق لغيري )
 
لا يوجد تعليقات!
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف