الريس شعبان زرع ريحان

الريس شعبان زرع ريحان بقلم الصحفى حازم مهنى.
الريس شعبان قلع الشوك زرع مكانه ورد ، و نعناع ، و ريحان .
اللَّه ينور يا معلم ، بيقولوا إنك معلم ،و كل معلم في شغلته ريس ،يا ريت منك يتعلم كل ريس ،مُرزق بحب الناس ، يا أبو قلب طيب (أيوه صحيح : عماد Emad Samir بيقول لك إدعي له. ) مش بس عماد ،و كل اللي شافك ،أو سمع عنك ،و حس دعوة قلبك يا طيب ،و الطيبين هُمّاَ الأمل ،
فالكل يرحل و يبقى العمل ،ربنا يبارك فيكم و أمثالكم ،بس الإخلاص عليه عمل ،و لو مرض الضمير مات الأمل ، الضمير هو الحياة.
كتيييير ما يخطروش على بالك ،دول اللي محتاجين دعواتك ،لأن عليهم مسئولية ،و خدتهم دوّامة الدنيا ، شافوا الشوك ،و سابوه يكبر ،ويأذي ، و يجرح ، " و قالوا: و إحنا مالناش دعوة ،مش إحنا اللي زارعينه؟ ، ميعرفوش إن الطيبين بيقلعوا شوك الأشرار زارعينه ،و يزرعوا مكانه الورد ، " و أنا قلتها من قبل :
 الحج شعبان البستاني زارع الورد قالع الشوك " ،بستاني و عنده ضمير عالي.
، صدق فيه قول الرسول الله صلى الله عليه وسلم : "إن الله يحب إذا عمل أحدكم عملا أن يتقنه " .
معنى هذا الحديث الشريف ينجلي مثلاً واضح التطبيق في الحج شعبان بستاني حتتنا ،
،فعلا ربنا يبارك فيهم ،
" حج شعبان ،و حج علي" محترمين ربنا يزيدهم ،صحة وعافية و بركة.
عم شعبان " عمل من الفسيخ شربات " آه ، أيوه ،يوماتي بنمشي عالمشاية و احنا مروحين ،الشوك يملا البناطيل ، يلزق يشوّك الرجلين ،الشوك أختفي و اتزرع مكانه ريحان ملأ المكان .
لكن الحاجة الغريبة إن ده حصل من زمن سنتين تلاتة أربعة مش فاكر ؟ الشوك إتقلع ،و الورد والريحان و النعناع إتزرع ،و مش فاكر؟
يعني "صورة محمد شرشر " كانت لازم ؟ أيوه لازم .
معقول من غير الصورة مش فاكر ؟
و أنت و هما وإحنا و كلنا ، بنمشي جنب الزرع و نشوف الورد ،و نشم نسيم الريحان ،و عبير النعناع ،كل يوم ،و ناسيين ،و مش فاكرين ؟ كتير بنحتاج صورة قدام عيوننا ،تفكرنا ،باللي ناسيينه ،و هو قدام عنينا ،تفكرنا باللي حابينه و عايشينه ،رغم إننا ناسيينه " إزاى معرفش؟ "
آه للأسف ناسيين ،و أنا أولكم ،بس بألحق أفوق ،و أفتكر ،وأفكر نفسي ،يمكن غيري يفتكر .
فيه ناس طيبة ربنا رزقها تتحمل و تتعب عشان تقلع الشوك من جذوره ، و تتعب و تجتهد و تزرع مكانه ريحان ،ونعناع ،و ورد ،ياااااااه على الدنيا لما يكتر فيها الناس الطيبة.
منيين ما تلاقي شوك إعرف إن الطيبين رحلوا منه ،ما فيش طيبين يتعبوا و يكدوا ويجتهدوا ،و يشيلوه يقلعوه ، و يزرعوا مكانه ورد و نعناع ،و ريحان.