الواضح إنك جدا ً
**
إهداء // إلى الوضع العربي
القائم كصرح ٍ شامخ على
رقاب البشر .. بكل إصرار*
الواضح إنك جدا ً
زعلان أبّا ً عن جدا ً
وضروري ولازم جدا ً
تفضل على طول مبسوط
**
مهو حالك زي مهوّه
خربان برّه ومن جوّه
ليه عامل فيها فتوّه
وانتَ عالراس مخبوط
**
عايش في الُغُلب وراضي
وبارم شنبك عالفاضي
راح تشكي لمين والقاضي
يجري وراك بالشلّوط
**
وحكومه وراها حكومه
ياما جاب لغراب والبومه
لو يبقي عليك القيمه
تلقي دماغك مشفوط
**
رايح من نكبه لنكبه
وحياتك مُرّه وصعبه
غرقان في بحور الغربه
مش لاقي فيها شطوط
**
مسطول علي طول وملخبَط
ولا شيء في حياتك يزبط
وبدل ما تروح وتنطنط
خليك يا حمار مربوط
**
طول عمر الحاكم صاحي
راشش ملح على جراحي
وعشان تكتر أفراحي
رجّعنا ل آيام لوط
**
ورفعتي الراس يا حكومه
يا كبيرة الشان وعظيمه
خلّيتي حياتنا كريمه
وأيراد البيت مزلوط
**
علي كل مقام غنّيتي
ونشازك خرّب بيتي
ويا ريت يا حكومه ماجيتي
يللي لسانك ممطوط
**
يا بلاد متاريس متاريس
بواريد في أيدين اباليس
علي باب البيت يا بوليس
عشرين مدفع محطوط
**
تلاتين مُخبر في الساعه
ماشين خلفك بشجاعه
فاهمين دروس الطاعه
من سي دي كان مضغوط
**
طبعا ً أصل البلوتيكا
مختومه صنع امريكا
وعشان عين اسرائيليكا
خلّينا الحال مزبوط
**
فلماذا إنك جدا ً
زعلان أبّا ً عن جدا ً
وضروري ولازم جدا ً
تفضك على طول مبسوط
**
**
إهداء // إلى الوضع العربي
القائم كصرح ٍ شامخ على
رقاب البشر .. بكل إصرار*
الواضح إنك جدا ً
زعلان أبّا ً عن جدا ً
وضروري ولازم جدا ً
تفضل على طول مبسوط
**
مهو حالك زي مهوّه
خربان برّه ومن جوّه
ليه عامل فيها فتوّه
وانتَ عالراس مخبوط
**
عايش في الُغُلب وراضي
وبارم شنبك عالفاضي
راح تشكي لمين والقاضي
يجري وراك بالشلّوط
**
وحكومه وراها حكومه
ياما جاب لغراب والبومه
لو يبقي عليك القيمه
تلقي دماغك مشفوط
**
رايح من نكبه لنكبه
وحياتك مُرّه وصعبه
غرقان في بحور الغربه
مش لاقي فيها شطوط
**
مسطول علي طول وملخبَط
ولا شيء في حياتك يزبط
وبدل ما تروح وتنطنط
خليك يا حمار مربوط
**
طول عمر الحاكم صاحي
راشش ملح على جراحي
وعشان تكتر أفراحي
رجّعنا ل آيام لوط
**
ورفعتي الراس يا حكومه
يا كبيرة الشان وعظيمه
خلّيتي حياتنا كريمه
وأيراد البيت مزلوط
**
علي كل مقام غنّيتي
ونشازك خرّب بيتي
ويا ريت يا حكومه ماجيتي
يللي لسانك ممطوط
**
يا بلاد متاريس متاريس
بواريد في أيدين اباليس
علي باب البيت يا بوليس
عشرين مدفع محطوط
**
تلاتين مُخبر في الساعه
ماشين خلفك بشجاعه
فاهمين دروس الطاعه
من سي دي كان مضغوط
**
طبعا ً أصل البلوتيكا
مختومه صنع امريكا
وعشان عين اسرائيليكا
خلّينا الحال مزبوط
**
فلماذا إنك جدا ً
زعلان أبّا ً عن جدا ً
وضروري ولازم جدا ً
تفضك على طول مبسوط
**