حوار بريء
( عادل بن مليح الأنصاري )
بغيت شي ؟
- لا ,, بس أبي أتأكد إنني حَـيْ .
- وَيْ ,,
تِحْـسِـبْـنِي طبيب ؟
أمرك عجيب !
- اصْبِري شوَيْ .
- الشمس مالت للمغيب .
- تدوّر عالظلام يا شِين .
- تخافين منّي ؟
- مو انت قلت :
تحطني بين الرمش والعين ؟
- بس أنا وينْ ؟
- إنتَ فيني ,,
إنتَ حلم كل ليله يجيني .
- طيب ليه تخليني بلا روح ؟
- روح , تعّبتَني , ,
كل ليله اسمع صوتك يناديني .
- افتحي الشباك
أبي اتكلّم معاك .
- أخاف إنك تآذيني .
- الميت ما يآذي أحَدْ .
- أوعدني وَعدْ ,,
ما تلمس ايديني
ولا وجْهي بَعَدْ .
- ودّي اسْـتَريح ,,
ودي أمُرْ على صَدْرك مثل ريح .
- بدينا أذية وتجريح ,,
يا شين ابعد عن القول القبيح .
- ودي نعيش العمر غير ,,
ودي افْرِدْ لِكْ جناحي مثل طير
أجيلكْ , أشيلكْ , أغنّيلكْ ,
أبْنيلكْ عـش في صدري
ونصحا مع الفجْر بدري
أهمسْ لِكْ والله أحبّك
تـُردّين ,, أدْري
- يا حلى هَرْجَكْ وصوتك ,,
جيتَني تشتكي عِشْـقكْ وموتك
والقصد تذبحني !
ما أبيك تغويني
ترا الشوق كافيني
ودي أنام بحضنك باقيَ سنيني
وين باقي ودك تودّيني ؟
- أبيك في جسمي عروق ,,
وفي عمري ثواني ,,
أبيك مثل شمس الشروق
دفا عاشق يعاني
أبيك تكوني الناي
وانا العازف
والدنيا أغاني
- كلامك مثل أحلام الصغار ,,
احسني بنت في حكايه
ترمي ضفيرتها من فوق سور
وحولها فرسان وقصور
وتنين ينفخ حولها نار
وغجر يرقصون بالطار
وأنا ارسلك الضو بمرايه
أبيك تحارب الفرسان
وتقطع سبعة بحور
وتنحني قدامي
يا ويل أحلامي
خذتني بعيد
يوم أكون قِصه
ويوم حبيبه في شِعر وقصيد
لبيه يا أبعد أحلامي
لبيه يا كلمه أرددها وأعيد
أحبك ,,
لا تجرح غروري
ما أقدر أزيد
- افتحي الشباك ,,
ودي ارسم على كفك
قلب وعلى شفاتي سهم
ودي ادندن في أذانك نغم
ودي أضمك ,,
قولي نعم
- خلك حبيبي هناك ,,
ضمتك فيها هلاك
خلك بعيد يكثر غلاك
ابي احترق كلّي فداك
لا ,, لا تقترب
ترا ماني ملاك
- تجين نلحق الليل باوّله
نعيش الحلم القصير ونطوّله
- تجي أبكي العمر من دونَك
أغسل أحزاني من صافي عيونَك
- تجين أبنيلك عش في الجنّه
أنقش إيدينِك بالدمع والحنّه
- الشوق طيحني وطاح حيلي
آه من لهفتي منَّك ويا ويلي
وآه من نار أحرقت ليلي
- الما في شفاتِك
وانا ذبحني الظما
صحرا في شفاتي
وفي ثغرِك مُزْنْ وسما
- الدم في عروقي يَبَاس
والعين في غيابَك خدر ونْعاس
لا باس يا سيدي أنا لا باس
أبعطيك عمري
وما علينا من كلام الناس
( عادل بن مليح الأنصاري )
بغيت شي ؟
- لا ,, بس أبي أتأكد إنني حَـيْ .
- وَيْ ,,
تِحْـسِـبْـنِي طبيب ؟
أمرك عجيب !
- اصْبِري شوَيْ .
- الشمس مالت للمغيب .
- تدوّر عالظلام يا شِين .
- تخافين منّي ؟
- مو انت قلت :
تحطني بين الرمش والعين ؟
- بس أنا وينْ ؟
- إنتَ فيني ,,
إنتَ حلم كل ليله يجيني .
- طيب ليه تخليني بلا روح ؟
- روح , تعّبتَني , ,
كل ليله اسمع صوتك يناديني .
- افتحي الشباك
أبي اتكلّم معاك .
- أخاف إنك تآذيني .
- الميت ما يآذي أحَدْ .
- أوعدني وَعدْ ,,
ما تلمس ايديني
ولا وجْهي بَعَدْ .
- ودّي اسْـتَريح ,,
ودي أمُرْ على صَدْرك مثل ريح .
- بدينا أذية وتجريح ,,
يا شين ابعد عن القول القبيح .
- ودي نعيش العمر غير ,,
ودي افْرِدْ لِكْ جناحي مثل طير
أجيلكْ , أشيلكْ , أغنّيلكْ ,
أبْنيلكْ عـش في صدري
ونصحا مع الفجْر بدري
أهمسْ لِكْ والله أحبّك
تـُردّين ,, أدْري
- يا حلى هَرْجَكْ وصوتك ,,
جيتَني تشتكي عِشْـقكْ وموتك
والقصد تذبحني !
ما أبيك تغويني
ترا الشوق كافيني
ودي أنام بحضنك باقيَ سنيني
وين باقي ودك تودّيني ؟
- أبيك في جسمي عروق ,,
وفي عمري ثواني ,,
أبيك مثل شمس الشروق
دفا عاشق يعاني
أبيك تكوني الناي
وانا العازف
والدنيا أغاني
- كلامك مثل أحلام الصغار ,,
احسني بنت في حكايه
ترمي ضفيرتها من فوق سور
وحولها فرسان وقصور
وتنين ينفخ حولها نار
وغجر يرقصون بالطار
وأنا ارسلك الضو بمرايه
أبيك تحارب الفرسان
وتقطع سبعة بحور
وتنحني قدامي
يا ويل أحلامي
خذتني بعيد
يوم أكون قِصه
ويوم حبيبه في شِعر وقصيد
لبيه يا أبعد أحلامي
لبيه يا كلمه أرددها وأعيد
أحبك ,,
لا تجرح غروري
ما أقدر أزيد
- افتحي الشباك ,,
ودي ارسم على كفك
قلب وعلى شفاتي سهم
ودي ادندن في أذانك نغم
ودي أضمك ,,
قولي نعم
- خلك حبيبي هناك ,,
ضمتك فيها هلاك
خلك بعيد يكثر غلاك
ابي احترق كلّي فداك
لا ,, لا تقترب
ترا ماني ملاك
- تجين نلحق الليل باوّله
نعيش الحلم القصير ونطوّله
- تجي أبكي العمر من دونَك
أغسل أحزاني من صافي عيونَك
- تجين أبنيلك عش في الجنّه
أنقش إيدينِك بالدمع والحنّه
- الشوق طيحني وطاح حيلي
آه من لهفتي منَّك ويا ويلي
وآه من نار أحرقت ليلي
- الما في شفاتِك
وانا ذبحني الظما
صحرا في شفاتي
وفي ثغرِك مُزْنْ وسما
- الدم في عروقي يَبَاس
والعين في غيابَك خدر ونْعاس
لا باس يا سيدي أنا لا باس
أبعطيك عمري
وما علينا من كلام الناس
