مين اللى قال انا مش ليكى؟!
شبيكي.. روح ملك عينيكي
تلاقيها دايما ويّاكي
***
انا مش بعيد دايما جنبك
أيامي عيد بس ف قُربك
تنسينى.. روحى مواعداكى
***
انا فى العصارى الفل ارويه
معرفش ليه دايما تنسيه
مع انّه عمره ما ينساكي
***
و ليل نهار ويّا الصبّار
بين الجفون أحلامي خَضار
يا ريت معايا تخليكى
***
ويّا الحاجات اللي عشانك
أو مستخبي ف فستانك
أو مسكره ف رمش عينيكي
***
انا ويّا خوفك.. وباشوفك
وأنا باترعش ويّا كفوفك
وابان كمان جوّه عنيكى
***
ويّا الحروف بين أوراقك
باعيد قصايد عشاقك
وانا الوحيد اللى معاكى
***
أنا ويّا شمسك وأنا ما باغيب
أو حتى ويّا الشاي بحليب
المس شفايفك ما انساكى
***
مين اللى قال انا مش ليكى
شبيكى.. روح مِلك عنيكى
يا حبيبتي ساكن.. جواكى
.....................
شعر: حسام العقدة
شبيكي.. روح ملك عينيكي
تلاقيها دايما ويّاكي
***
انا مش بعيد دايما جنبك
أيامي عيد بس ف قُربك
تنسينى.. روحى مواعداكى
***
انا فى العصارى الفل ارويه
معرفش ليه دايما تنسيه
مع انّه عمره ما ينساكي
***
و ليل نهار ويّا الصبّار
بين الجفون أحلامي خَضار
يا ريت معايا تخليكى
***
ويّا الحاجات اللي عشانك
أو مستخبي ف فستانك
أو مسكره ف رمش عينيكي
***
انا ويّا خوفك.. وباشوفك
وأنا باترعش ويّا كفوفك
وابان كمان جوّه عنيكى
***
ويّا الحروف بين أوراقك
باعيد قصايد عشاقك
وانا الوحيد اللى معاكى
***
أنا ويّا شمسك وأنا ما باغيب
أو حتى ويّا الشاي بحليب
المس شفايفك ما انساكى
***
مين اللى قال انا مش ليكى
شبيكى.. روح مِلك عنيكى
يا حبيبتي ساكن.. جواكى
.....................
شعر: حسام العقدة