يوم أمس كان الأجمل وكأنه كان الوداع...
"أبو سليم" _سمر جهزي الفطور وصحي البنات عدها اجت السياره تعت المدرسه
سمر: طيب ماشي بس أشغل الغساله.
سمر :فداء قومي يلا بكفي نوم... مها يلا قومي حاضر يا ماما،. يييي سليم هلقيت راح يطلع روحي لما يصحى قوم يلا أدوبك تصحى وتفطر إلا جاي إبن عمك تروحوا مع بعض على المدرسه...
"بحدود النصف ساعه"
سمر :شو يا أبو سليم خلصت
_اه يلا هيني جاي
_ماشي كل شي جاهز على السفره يلا
_بس شوفي الولاد وبكون قاعد أول واحد...
سمر :يلا مها فداء سليم يلا تعالوا أفطروا ولا زي كل مره بدكم سندويشات على السريع
_ لالا هيني جاين
_يلا أبدوا فطور بكون جايبه الشاي وجايه...
َ _طيب شو حابين يكون الغدا اليوم
_ فداء :انا بدي شاورما،
_ مها :يا الله لسا قبل يومين بابا جاب شاورما لا أنا بدي ملوخيه
_بسرعه فاع سليم يا سلام لا بحبش الطبايخ بدي مقالي..
سمر : مالك يا أبو سليم ليش هيك بتطلع
_ لا آبدا بستنا يخلصوا وأقولك أعملي إلي موجود والمريح إلك
_ليش يا ماما هيك الشاي ما إنتي عارفه بحب السكر بزياده
_ آه ما هيا فداء زي عمتها مروى بتحب السكر بزياده
_ يلا قوموا إجت السياره وهي إبن عمك على الباب
_إستنا يا سليم وأنا بدي أروح على الشغل يلا نطلع مع بعض يلا سلام...
مشي اليوم عادي زي أي يوم بين الضحك والتشاجر والمزاح واللمه العظيمه
... بنص الليل سمعت صوت وشفت ضو أحمر وما صحيت علي حالي إلا وأنا بالمستشفى شو فيه ليش أنا هان كان عمي جمبي وعمتي.
_خلص خلص روقي يا مها هينا كلنا حوليكي ليش شوفي أنا ليش هان!! عملتوا إلي عملية اللوز؟؟ عشان بوجعوني ما حد جاوب الكل ساكت طيب وين ماما بطلع بعمي كان بعيط وعمتي بتحاول تحبس دموعها حسيت فيه إشي غلط الكل برا الغرفه بحكي الله يصبرهم يارب يرحمهم سرت احكي يا لطيف مين الي ميت الله يصبر عيلته ما كنت بعرف إنو هاي الدعوات إلنا والترحم على أبويا وأمي ...
تطلعت هيك من طرف الباب كل العيله برا وبحكوا الله يرحمك يا أبو سليم... أبو سليم !!! بابا
_بحكي لعمتي مين الي متوفي ابويا ردي عليا حكت الله يرحمهم... يرحمهم!! مين كمان شو الله يرحمهم ردة بصوت مخنوق أبوكي وأمك إستشهدوا
_ مش واعيه علي حالي لسا إمبارح كانوا بضحكوا وأبويا تصور معي بدرع التفوق من المسجد أبويا وأمي مرا وحده يا الله، قعدت علي التخت إجا سليم راسه ملفوف وفداء كانت رجلهامكسوره ، أما أنا بس جروح بسيطه في بطني بطلع عليهم كأنهم مش مصحصحين مصدومين وعرفت وقتها إنو أعمدة البيت والسند راحوا
#هبه_أنور_الحلو
"أبو سليم" _سمر جهزي الفطور وصحي البنات عدها اجت السياره تعت المدرسه
سمر: طيب ماشي بس أشغل الغساله.
سمر :فداء قومي يلا بكفي نوم... مها يلا قومي حاضر يا ماما،. يييي سليم هلقيت راح يطلع روحي لما يصحى قوم يلا أدوبك تصحى وتفطر إلا جاي إبن عمك تروحوا مع بعض على المدرسه...
"بحدود النصف ساعه"
سمر :شو يا أبو سليم خلصت
_اه يلا هيني جاي
_ماشي كل شي جاهز على السفره يلا
_بس شوفي الولاد وبكون قاعد أول واحد...
سمر :يلا مها فداء سليم يلا تعالوا أفطروا ولا زي كل مره بدكم سندويشات على السريع
_ لالا هيني جاين
_يلا أبدوا فطور بكون جايبه الشاي وجايه...
َ _طيب شو حابين يكون الغدا اليوم
_ فداء :انا بدي شاورما،
_ مها :يا الله لسا قبل يومين بابا جاب شاورما لا أنا بدي ملوخيه
_بسرعه فاع سليم يا سلام لا بحبش الطبايخ بدي مقالي..
سمر : مالك يا أبو سليم ليش هيك بتطلع
_ لا آبدا بستنا يخلصوا وأقولك أعملي إلي موجود والمريح إلك
_ليش يا ماما هيك الشاي ما إنتي عارفه بحب السكر بزياده
_ آه ما هيا فداء زي عمتها مروى بتحب السكر بزياده
_ يلا قوموا إجت السياره وهي إبن عمك على الباب
_إستنا يا سليم وأنا بدي أروح على الشغل يلا نطلع مع بعض يلا سلام...
مشي اليوم عادي زي أي يوم بين الضحك والتشاجر والمزاح واللمه العظيمه
... بنص الليل سمعت صوت وشفت ضو أحمر وما صحيت علي حالي إلا وأنا بالمستشفى شو فيه ليش أنا هان كان عمي جمبي وعمتي.
_خلص خلص روقي يا مها هينا كلنا حوليكي ليش شوفي أنا ليش هان!! عملتوا إلي عملية اللوز؟؟ عشان بوجعوني ما حد جاوب الكل ساكت طيب وين ماما بطلع بعمي كان بعيط وعمتي بتحاول تحبس دموعها حسيت فيه إشي غلط الكل برا الغرفه بحكي الله يصبرهم يارب يرحمهم سرت احكي يا لطيف مين الي ميت الله يصبر عيلته ما كنت بعرف إنو هاي الدعوات إلنا والترحم على أبويا وأمي ...
تطلعت هيك من طرف الباب كل العيله برا وبحكوا الله يرحمك يا أبو سليم... أبو سليم !!! بابا
_بحكي لعمتي مين الي متوفي ابويا ردي عليا حكت الله يرحمهم... يرحمهم!! مين كمان شو الله يرحمهم ردة بصوت مخنوق أبوكي وأمك إستشهدوا
_ مش واعيه علي حالي لسا إمبارح كانوا بضحكوا وأبويا تصور معي بدرع التفوق من المسجد أبويا وأمي مرا وحده يا الله، قعدت علي التخت إجا سليم راسه ملفوف وفداء كانت رجلهامكسوره ، أما أنا بس جروح بسيطه في بطني بطلع عليهم كأنهم مش مصحصحين مصدومين وعرفت وقتها إنو أعمدة البيت والسند راحوا
#هبه_أنور_الحلو