الأخبار
لوكسمبورغ تدعم سلطة المياه بمليون و150 ألف يوروالأمم المتحدة: نصف سكان قطاع غزة باتوا تقريبًا عاطلين عن العملسلطة النقد وهيئة الأمم المتحدة تعلنان نتائج التدقيق من منظور النوع الاجتماعيملتقى سواعد شباب الغد يناقش فيلم "خمس فناجين وفنجان"شبير يطالب فضائية القدس بدفع حقوق موظفيها الذين تم الاستغناء عنهمأول رسالة ماجستير من نوعها تتناولها حنين السماك لدعم لذوى الإعاقةشاهد: حلس يبحث مع ممثل ألمانيا لدى فلسطين تطورات الوضع الفلسطينيقيادة حركة فتح تعقد لقاءً مع قيادة الجبهة الشعبية بقطاع غزة"التعليم العالي" تنظم ورشة عمل حول دور الجامعات بتحقيق أهداف التنمية المستدامةجراحة قلب الأطفال بالمقاصد:استئصال ورم سرطاني من قلب رضيعة بعمر أسبوعين"فلسطينيات" تختتم تدريبًا حول الأمن الرقميرسمياً.. (كنيست) يحلّ نفسه وإسرائيل لانتخابات ثالثة في مارستونس: مؤتمر دولي يدعو لحماية طلاب فلسطين ومدارسهاإنجاز فلسطين تكرم البنك الإسلامي الفلسطينيغنام تسلم عشرات الكراسي الكهربائية والأطراف الصناعية لمستفيدين من عدة محافظات
2019/12/12
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

ديوان " حس بيا " بقلم:ميلاد ثابت إسكندر

تاريخ النشر : 2019-11-06
ديوان " حس بيا " بقلم:ميلاد ثابت إسكندر
*** إهـداء ***
إلــي كـل إنســـان مـازال إنســـان
إلي كل مَن لَوَّحَته شمس التجارب
وفقد الإحســاس بالزمان والمكان
إلي مرهَـفـــي الحـــــس خلف قضبان الكيان
ها خواطري صرخة مُدَوية في عالم الكتمان
***************
ميلاد ثابت إسكندر
فنان تشكيلي

1
*** شَخبـَّطـة ***
ماعـرَفش مالـي !!! ولا حتي حالـي عارفُـه أيه !
ولا أيـه جـــرالـي !!! ولا لاقـي تَفسير للـي فيه !
حالة ذهول مُمكن تقول ، حالة ضَياع إحباط وتيه
حالة غريبة ملخبَطة ،،،، كل اللي حاسُه شَخبـَّطة
وحـاجـات كتيررررر متخَبـَّطـة ، وده كلـه ليـه ؟!
ماعرفش مالي !!! ولا حتي حالي عارفُه أيه !!!

مابقتش حتي لنفسي عارف ،،، هَــربان وخــايف
ولا حتي شـايف مين بيطاردني ،،، عَقلـي لاغـيـه
طب فين هَـروح ولمين أبوح والقلب مَليان بالجروح
مين حتي راح يفهم كلامي ، يمد إيدُه أمسك إيديه
ماعرفش مالي !!! ولا حتي حالي عارفُه أيه !!!

حابس دموعي جوه مني ، مش بإيدي غصب عني
ده أنا حتـي مـش عـارف أيه إللـي راح أبكـي عليه
أحاسيس وضاربة في بعضها ولا حتيَ عارف أصلها
ومين يقولي قصدها ؟؟؟ مَـوَّال وعايش أغنـي بيـه
ماعرفش مالي !!! ولا حتي حالي عارفُه أيه !!!
******

2
*** فارقيني بقَي ***
بَصيتلهــا من فـوق لتحـت أنا بإحتقااااااااااار
ولعَنتهــا ولعَنت أيامي إللي قَضيتها في مرار
أيه إللي وصلني لكدَه ؟ وليه حياتي متشَتتَه؟
وليـه بَحس معاكـي كل لحظـة بإنهيـاااااااااار

امشي وفارقيني بقَـي ،، أنا شوفت وياكـي الشقا
والخوف معَشش جوَّه مِني أحزاني بيكي مِتوَّثقة
مَرت دقـايق والدمـوع نَـزَفت سـيـول علـي خدها
وأخدت خطـوّة للرجـوع ، لكن عنيـا فــي وشـها

كــرهـت لـــون الحُــزن إللــي أدمَنتـُه مـعــاكي
ولا يوم عرفت الضحكـة ما دُقتـش غير آساكي
ردي عليَّ اتكلمـي ولا السكوت معـنـاه رضاكي

ما دريتـش أنا بإيـدي وهــــــــــي بتضربهــــا بقــوَّة
وقعت مرايتي إتكَسَّرتَ وصورتي مش مَوجودَه جوَّه
ربطت إيدي من النزيف، وقلبي مَطعون ألف ســيف
لَفيت مشـيت والصــوت بيدووووووووي جـوَّه مِنـي
*** أنت ليه إنسان ضعيف ؟؟؟ ***

3
*** بحــــر الذكــريــات ***
ولأني مش عارفلي لون ، ماشي كده في أي إتجاه
عايش أنا حـالـة جنون، عــابر سبيل أنا في الحياة
عَـمَّـال أدوَّر فــي الشــوارع والحــــــــارات
علي ضحكة كانت ساكنة قلبي في عُمر فات
علي حضن دافـــي كنت برتاح فيه لساعـات
علي قلـب صافـــي كنت بشــكيلـه الآهــــات
علي نفسي اللي تايهـــة مِنــي وســابـتـنــي
ويا اللــــــي رحلـــــوا مـن سُكــــــــــــــــات
عمَّال أدوَّر جـوَّه مِنـي بـس الحقيقـة إحساسـي مات
وبقيت خلاص عابر سبيل غرقان في بحـر الذكريات
*************

4
*** تـجـــربــة مُــرَّة ***
مش عارف أبدأها منين ،، دالقلب بيبكي مش العين
ليه الدنيــا بتقسيَ علينا ،،، مـش بإدينا بقينا تايهين
طعم العيشة بجد مَــرار ،،، حــيــرَة ونااااااااااااااااار
أسوار مش ممكن تنهار،، هو احنا حقيقي عايشين؟

ليه الصُبح ف كل يوم ،، الســاعــة سابعة تَملي نقوم
ودي أجمل لحظات النوم ،، نزحف من تحت البطاطين
معركة صعبة ومش مَحسومة برد رصاص مَناخيري مَزكومَة
مِـنـك لله بَـقَيَ يا حكـومة فيها أيه ماتخلينا نايمين ؟!!
مش قادر أقاوم الجاذبية ، ف سريري قوَّة مَغناطيسيَّة
والدَفا تـحـت البطانيـة ،، نعمَة كبيرة أفوتها لمين ؟!!

فيها أيه لو شُغلنا فَتَرات،، ف الصيف والشتا بقيَ أجازات؟
هـو إحـنا عُلمـــاء ذَرَّات !! ماحنا في مَكاتبنا بارشــين !!!
مش مُمكن أقوم وأخرُج بَرَّه،، راح أمَّشي كلامي ولو مَرَّة
هي حقيقي تَجربة مُرَّة ،،، بس هَناملي كمان سـاعتين
***********

5
*** دعوَّه للحـب ***
حـب بقلبك حـب وعيـش ،،،، بَّيين حُبـك ما تخَبـيـش
حب تلاقي كنوز الدنيا ،،، جَنب سـعادتك ما تساويش
حب ولو كرهوك الناس ،، حب ما دام جواك احساس
بُكـرَه إللي بيكرَه هَيحب ،، لما يشوف جـواك إخلاص
حب ومـد إيديك بالخيـر ،،،،، انكر ذاتك عيـش للغـيـر
خَليك زَي الشمعـة بتصغَـر ،، لكن نورهـا بيهدي كتير
***********


6
*** صُــب الشـــاي ***
دنيا غريبـَة وعالـَم أغـرَب ، ولا هَقـدر غيــر أنـي أسـتَـغــرَب
أقعُـد نرغـي أنا وأنتَ شوَّيـَّـة ، وبلاش أعذار علشـان تهــرَب
لحظة هَحُط الشاي ع النار ،، أهو نتسَّلَي أنا وأنت يا صاحبـي
أصل أنا فاضــي ليل ونهـار ،، والفيس بوك عَدَمنـي وطاحبـي
أيوَّه زمان كان عندي طموح، أني راح أعلَي لفـوق وراح أكبَر
وإللي قدرت أوصَّلُـه سطوح ،، بيت فـي الحــارة كمـان متـأجَّر
***هههههههههههههههههه ***
أيوَّه يا سيدي أنا بضحَـك، مالك؟! أنا لسه بعقلي وماتجاننتش
اضحك أنت كمان علي حالك، دي بداية القصة أنا ما اتكلمتش
صُب الشاي بقَــي واسـنـد ضَهـرَك، وناولنــي أكبـَـر كوبايــَّــة
وانسَـي الدنيــا وروَّق فكــرَّك، شُـرب الشاي ع السطح حكايّة
ارفع راسك بُـص لفـوق، عِـد نجـوم السمــا لو تقـدَر
لمـا أتأمل فيهــا بَفـوق ،، من أوهامي وبحمد وأشكُـر
بص يا سيدي أنا حالي أتغّـيَّـر، كنت زمان حال غير الحال
ماكنتـش حاسس أني صُـغَـيَّـر!!! أحلامـي كانت وهم خيال
أيـوَّه أنا عَنـدي يامـا مواهــب، ربنا شكـلهـا فـي تكـوينــي
وف محـراب الفن أنا راهـب، كَـبَّرت أنا نفسي قُصاد عيني
تفكيري اتمّحوَّر علي ذاتي ، إزاي أبقي كبير مشهور
والناس تتمـنَـي تحيـاتـي، ويشاوروا عليَّ !!! مغرور
ومعارض بقـيَ هنا وهناك ،، والمسـرح يستنـي لؤاك
وجــرايد تكتب وتفَشَّـر ،،، نجـم جـديـد وسـط الأفـلاك
ونسيت أني تراب مش أكتَر، وحياتي في حقيقتها بُخار
يظهر لثـواني ويـتـبَـخَّـر، والوَهـم فــي يـوم راح ينهـار
وأسانسير المَجـد الباطل ،،، أتعَّطَّـل فـجـأة وأنا فيــه
وطموحي في لحظَة بقَي عاطل، والفكر اتغَيَّر معانيه
تجــربــَة كانت قاسية كتير، لكن درسهــا كان مفهوم
كل إللــي بيحصَل للخيـر، حتي لو كان مش مَهضوم
من يومها سَـلِمـت الدَّفَة، ورَفَعـت شراع للسما فوق
وف حبُه يوماتي بَتدَّفــا ، مهما تعتِم جـــاي شـــروق
ده سلام ربنا غطَّي وكفَّا ، أصلُه الخالق مش مخلوق
***********

7
*** اشتقت ليكي ***
اشتقـت ليكي قبل ما أقابلك أو أعــرفـك
وحلمت بيكي ورسمت صـورة بتوصفك
يا أرق م الطفـل الـوديــع فــي ضـحكتك
وأحـن من نسـمــــة ربـيـع فــي طلعتـك
مـلاك ملكـتــي كـل قـلـبــــي بـخـفـتــــك
عصفـــور جميل جـوَّه صـدري عشِــتك
ترتيـلـــــة حلــوة كـل ثانيـــــة برتــــلك
اشتقـت ليكي قبل ما أقابلك أو أعــرفـك
******


8
*** اتكلمي ***
ياريتك كنتي تفهمـي ،، كل كلمــة كتبتهالك
ردي عليا اتكلمي ،، ولا حبي مش في بالك
أنتــــي أيه ،، مصنوعة من صخر وجمـــاد
ساكتـه ليه ،، ماتقولي ليه بس البعـــــــــاد
لو سكوتك يعنــي رفضك، يبقي أستاهل عذابي
مش هلومك مش هعاتبك، مش هوصلك عتابي
أنا إللي كنت بخدع نفسي ، وكنت بتخيل سراب
دي الحقيقة الذنب ذنبي ،، لازم أتـحـمـل عذاب
********


9
بحبهـــا
ضحكت علي نفسي وقلت خلاص نسيتها
حبـهـا كان ماضي وفات صفحة وطويتها
ارتاح يا قلبي من الأهات
حبي خلاص بقي ذكريات
لـكـن النـهـارده شـوفتـها
وقلبي دق فـــــــي وقتها
صدفـة غريبــة من القدر
أتاري قلبـــي إللي انكسر
لسـه حـقـيـقــي بيـحـبهـا
ياريتنـي كنت ما شوفتها
بحبهـــــا
*******

10
*** بتوحشيني ***
بتـوحـشـينـــي كــل يــوم .كـل ســاعــة كـل ثانيــة
نفسي أشوفك نفسي أقولك: أنتي عندي بالدنيا ديا
أيـــوَّه عـــارف إنـــي مـــش ســاكـن فــــي قـلبــك
أيــوَّه عــارف إنــي مـاليــش نـصـيـب فـــي حبــك
بــس عــايــزك تعــرفــي إنـك أنتـي حبـــي الأصيل
مهـمـا عنــي بتهربــي مــش راح أنســي مستـحيل
أنتي روحـي أنتــي عمـري أنتـي نبض القلب أنتـي
أنتـــي تعذيبـي وفرحـــي أنتـــي للأخـــر حـبيـبـتـي
********


11
*** طــُـــــــــــــز ***
أيـوَّه طُـظ في كل حاجــــة ،،،، طُـظ فــيَّ وفـيـك يا أفندم
لو حتي فاكرها سَذَاجــــة ،،،، طُـظ تاني ومش راح أندم
طُـظ في شهـادتك وعلمك ،،،، حتــي لـو كنـت أنت مـيـن
طُـظ في فلـوسك وعَمَـلَك ،،، طُـظ فــي مـشــوار السـنين
طظ في حَسبَك أو في نَسبَك ، طـظ فــي كـل المَشهـورين
لــو لسـَّـه مكَمِــل معايـــا ،،،، برضـو هَـقـولك طُـظ فـيـك
أيـه إللـي غَصبَـك ع الإرايـه ؟!!؟ طُــظ تانـــي مِـنـي ليك
أيــوَّه سـامعَك . ليـه بتضحَـك ؟! مش متَّـقِـل في العيـار!
أنا حتي شارب شاي خفيف ،،،، كلامي جَد ومش هزار
ودَمي عُمـرُه ما كان خَفيف ،، أنا أصلي نِكَدي ليل نهار
بس حقيقي قصدي أقـولك ،،،، دنيا مالهــاش أي مَعنـي
مَهمـا يا صاحبي نهاودهـا ،،،، برضــو بتـزَّود وَجَــعــنا
غـَـريبَة هــي وإحنا أغــرَب ،،، وأدينـا بنـشَّـرَّق نـغَّــرَّب
ولا حَد عارف أيه أخرها !! غـير لما شمس العُمر تغرُب
وإللي لسَه تايـه بيسأل ،،،، هـي شطــَـارَة ولا حَــظ ؟؟؟
خُدها مِني يا صاحبـي واعقَـل ،،،، الإجـابـــــة هي طُـظ
*** طــــُــــــــــــــــــظ ***


12
*** مابقيتش عارف أي شيء ***
ما بقيتش عارف أي شيء ،،عايش غريب محتار غريق
مليون سؤال من غير جواب ،،، والحـل فين فين الطريق
فين الحقيقة من السراب ؟؟ دالعقل غاب من حيرته شاب
والفكر خطــا عدا السحاب ،،، لكن ماجـاب قشــة لغـريق
مابقيتش عارف أي شيء
أحداث بتحصـل كل يـوم ،،،، بتثير جَـدَل وتـزيـد همـوم
وتجيب سؤال يحتارله بال ،، وف قلبي نار قايده حريق
ما بقيتش عارف أي شيء
********



13
*** وساويس ***
أيوَّه ومن غير لف كتير ،،، أنا حالـي ملخبـط وخطـيـر
سر هقولُه بيني وبينك ،، وأوعَي في يوم يطلع م البير
أو ترغي مع الناس وتعُوك ،،، أنا واثق فيك بس بَشُك
شوشو يوزَك ولا يهزَك ،، تنشُره بعدها ع الفيس بوك
ماشي يا صاحبي ؟ طيب عـال
ولَّع في الاول ع الشـاي ،،، بس اغسل فنجاني بضمير
ماتقوليش بضمير إزاي ،،، واتـعـلـم اســس التـطـهـيـر
وانجزعلشان تسمع مني، مش هرغي مع نفسي وأغني
خِلص الشاي ؟ طيب عـال
اسمع بقي مع أول بؤ : نَفسي تاهت مني يا صاحبي
من يومها عقي بقي يلؤ،، وزماني غَـدَر بـيَّ وطاحبي
والأحزان عمالة تشؤ ،،، في كيان حتي ما قادر يحبي

أيوَّه أنا متكَتـف تكتيف ،،، واليأس بينخُـر في عـظـامـي
وحياتي كابوس رعب مُخيف، ولا هقدَّر أوصفُه بكلامي
ودموعـي من الـقـلـب نزيـف ،،، وســواد بـيلَـون أيامـي

حالــة غريـبـة مُريبَة عجيبة ،،،، بدأت بشوية وسـاويس
يوم ورا يوم بقي حملي زكيبة،، مَحني من مُر الأحاسيس
والعيشة بـقـت دوشَة زريبَـة ،، وشعاري في الدنيا تَعيس

أوهام صراعات أفكار مُحبطة ! وطقوس وعادات نفسي مقيَّدة
لخبطة شخبطة حاجة متخبَطة!!! ومنين ولفين أهرب من كدة
فاهمني يا صاحبي؟؟؟ لأ مش فاهم

طب راح أقول من تاني بهدوء، دي الفَضفَضة وياك مورفين
ركز بقــي ويايا وفــوق ،،،،، داحنا يدوب للشــاي شـاربين
دأنت يا فقري ليسانس حقوق،، مال مُخك كده زفت وطين؟!
فوقت يا صاحبي؟!؟ طيب عـال

عـارف لما تحـس بطـوق ،،،،، ملفـوف في رَقبتك لسنين
عتمة ف ليل ومالهش شروق،،غرقان وسط دموع وأنين
بنزل للقاع وأطلع فوق ،،،، ولا لاقــي قشَّـــة حـتـي تعين

نفسي عليلة يا صاحبي خلاص ، اليأس سجنها بمتاريس
والخـوف كلبشنــي بوسواس ،،، وشبكني للخيبَة عريس
مات فيا بجد الإحساس ،،، مدفون فـي تابوت الوساويس
*********

14
*** غوووووور ***
عَمَّـــال تبَرطَـــــع، ولا حتــي قادر ليك ألِـم
وبقيت مصَّدَع، أيه الحكايَة، في أيه يا عَم؟
علي فين موَّدينـي معـاك ؟ بَــر الأمــــــان ولا لهلاك؟
يوم تشَّرَّق ويوم تغَّرَّب، دأنا عَـبد ماشي حَسَب هواك
والمشكلــة أنك غَشيم ،، وكل ساعـة بألف حالة
أنا عارف أنك مش لئيم، بس حياتي معاك زبالة
لو ينفع إني أصنفَـرَك، أو أزييتَـك، أيه حِـجـتَك؟
طب حتي قولي هُويتَك ، من أي خامـة صَنعِتَك؟
ياشيخ ما تنطَّق ،،، أنت ماشــي بأي مَـنطـق؟؟
طب أعمل أيه يا عقلي يا أنشَـف من الصخور؟
وقَّف شويَّة، اهدا عليَّ، أو لم أفكــارك وغوور
****** غووووووووووور ******

15
*** عايزني أتجوز قال ***
عايزني أتجوز قال !! طب قـول بأمـــــارة أيه ؟
دأنا عقلي في راسي يا خال. ومثبت ايدي عليه
عايزنــي أتجــوز قــال !!! ازاي بـس يا سـيد الكُـل ؟
الدنيا خلاص بقيَ حالها يسـُـر ! وبلدنا بقت فُل الفُل؟

تضمنلـي بيت علـي قدي نضيف أنه يكون عـش الزوجيه ؟؟
وإن جـُـعت القــَي حتــي رغـيف نقســمُـه بينــا أنا وهــَي ؟؟

تضمَنلي إنها مـش راح تدبـَهـدل لو ركـبت مَـره الاتـوبيس؟؟
أو حتي في الشارع مشييت من زيد وعبيد وكمان عتريس؟؟

تضمنلي إن ابني يكمـِل عُمره معايا من غير تهديد ؟؟؟
يوم العيد ما أقدرش أتحمِل أنه يكون ذكري ابني شهيد

وازاي تفكيري ما يشتِـش علي بنتي لو خرجت بَرَه ؟
خطف يوماتي ياناس ده ماحدش متهَني فيها بالمَرَه ؟

والمشكله ببساطه يا خال ، الحال مبقاش زي الحال
والخوف عشش جوه القلب ، أيه تاني ممكن يتقال ؟
الله يخليك سيبني في حالي ،، إياك تاني تقولي جواز
ده الضغط والسـُكر جاني ! ناقص احرق نفسي بجاز
سامعني يا خال ؟؟؟


16
*** كوبايـــة شـــاي ***
كُلــُه هَـيـبـقــيَ زَي الفـُل ، اخلــع بـس أنت مـن الـهَــم
اقعُـد نشرب شاي مع بعض ، سيبك بقيَ من حرق الدم
أدي الشــاي وكمــان السُـكَــر، حُـط البراد بقـيَ ع النار
ما تقلبـش كـتـيــر وتـفَـكَــر ، انســيَ الدنيــا والأفكــــار
انسـيَ امبـارح وكمان بُـكـرَه ، عيـش الحـاضر وافرَح بيه
أنا خايف م الأحزان تكرَه، عيشتك ده إللي أنا عايز أحكيه
ارفـع راسـك للسمـا فوق ، وأتـمَـتـَع بجـمـــال الكــــــــون
شوف كام نجمَه رايحه وجايـَّه . والقَمر إللي جَمَاله جنون
دايمــاً بَسهَــر هنـا للفَجــر ،، قــدام بيتنــا فـــي الأريـــاف
أديها شاي وأرتاح م الفكـر ولا عُمري من شيء راح أخاف
ارمي حمــولك ع اللـي خالقهــا ، كُله زايـل مايسـاويش
صُب الشاي بقيَ وروقها ، دي اللحظة بتمشي مابتجيش
لـوعـايز تدخـُل ع الـنت ، عنـدي جـوَّه كمــان لاب تـوب
بـس كلامـُـه لَـت في لَـت ،، ناس حَبـيـبـَّـة أسـاتـذة حُـب
لأ وإللي بيخنق بقيَ أمـي ،،، واحد قال أيه اسمـه فتيلة
كل قصـايـدُه بتحــرق دَمــي ، حُـزن وغَــم كـأبـة ونيلـة
من يومهـا بطَّلت أسمع له ، وكـرهـت كمـان الفيس بوك
صدقنـي كمــان وبنَـفَـضلُه ، فَـكَـرني أبقيَ أعملُــه بلـوك
أيوه اضحك بقيَ كده من قلبك ، صُب كمان كوباية شاي
دي السَهـرَة هَـتـحلَّـو بـقُربَـك ، قول للهَم وداع باي باي
 
لا يوجد تعليقات!
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف