أنا .. خايف
أنا خايف
إن الخوف ميجيش
أو ييجي اليوم لكن.. ميخوّفنيش
وانا أصلا ً
وحياة النعمه
حأقول الحق
من غير الخوف
مش ممكن اعيش
**
طب ليه اليوم يعدّي عليّ
كدا من غير غراب البين
البيه المخبر
ييجي و ميفتشنيش
أنا كدا أصلا ً مولود مشبوه
بيقولوا عليَّ بيشبه أي مظاهره
تنادي العشق الخالص
يبقى أماني بلدنا الطاهره
بلدنا الصابره
بلدنا الحلوه زي جمالها مفيش
وعشان كدا بتلاقي المخبر
قبل الأكل وبعده تماما ً
نازل كدا تلطيش
وامّا قفانا أدمن إيد المخبر إدمان التحشيش
صرت يوماتي أروح له لوحدي
واقول له نسيت الفيش
أصل مزاج الكيف لا مؤاخذه
آخر لذّه
زي حبيبتي
إيدي بإيدها على الكورنيش
**
شفتوا بوليسنا رافع روسنا بخمسين كف
شيء مش عادي
فاق الغبا وحدود الوصف
شيء يخلّي عصافير روحي
لا جنحان ولا ريش
يبقي أطير ازاي م الفرحه
والأفراح متجيش
**
أصحا الصبح أحس ضلوعي
واغسل مُر الليل بدموعي
واكره جوعي
واسرح بعد الصبح يوماتي
جنب السيما أمسح ورنيش
وارجع آخر الليل مهموم
نايم جدا لكن طار من عيني النوم
وامّا حَسَبت الدخل ياحسره
مجبتش حق العيش
رحت بسرعه لسيدنا المخبر
ليه يا جميل متجيش
أوعى يا صاحبي يمر عليَّ يوم
متخوّفنيش
أصل انا كدا وكتير في بلدنا
نحب بلدنا
بس صحاب البرج العالي
كتبوا لنا التهميش
إمّا نعيش علي وصفة مخبر
أو مش لازم نعيش
يعني ضروري ولازم جدا ً
لمّا حمار الساقيه ح يدن
أو يلعب شيش بيش
يمكن إن ساعتها الباشا المخبر افندي
عليّ يعدّي
بحنان وردي
ييجي يروح ولا يضربنيش
يبقى الفار بعبّي ح يلعب
واسأل نفسي ليه اليوم ميفرّحنيش
يفضل قلق الحيره ياخدني
بعيد ويجبني
وامّا نياب الليل ترعبني
أروح للمخبر تاني
واقول له
خايف اليوم متخوّفنيش
وانا أصلا ً
وحياة النعمه
حاقول الحق
من غير الخوف
مش ممكن اعيش
**
أنا خايف
إن الخوف ميجيش
أوييجي اليوم .. لكن ميخوّفنيش
**
الشاعر/ خليل مكاوي
غزة / فلسطين
أنا خايف
إن الخوف ميجيش
أو ييجي اليوم لكن.. ميخوّفنيش
وانا أصلا ً
وحياة النعمه
حأقول الحق
من غير الخوف
مش ممكن اعيش
**
طب ليه اليوم يعدّي عليّ
كدا من غير غراب البين
البيه المخبر
ييجي و ميفتشنيش
أنا كدا أصلا ً مولود مشبوه
بيقولوا عليَّ بيشبه أي مظاهره
تنادي العشق الخالص
يبقى أماني بلدنا الطاهره
بلدنا الصابره
بلدنا الحلوه زي جمالها مفيش
وعشان كدا بتلاقي المخبر
قبل الأكل وبعده تماما ً
نازل كدا تلطيش
وامّا قفانا أدمن إيد المخبر إدمان التحشيش
صرت يوماتي أروح له لوحدي
واقول له نسيت الفيش
أصل مزاج الكيف لا مؤاخذه
آخر لذّه
زي حبيبتي
إيدي بإيدها على الكورنيش
**
شفتوا بوليسنا رافع روسنا بخمسين كف
شيء مش عادي
فاق الغبا وحدود الوصف
شيء يخلّي عصافير روحي
لا جنحان ولا ريش
يبقي أطير ازاي م الفرحه
والأفراح متجيش
**
أصحا الصبح أحس ضلوعي
واغسل مُر الليل بدموعي
واكره جوعي
واسرح بعد الصبح يوماتي
جنب السيما أمسح ورنيش
وارجع آخر الليل مهموم
نايم جدا لكن طار من عيني النوم
وامّا حَسَبت الدخل ياحسره
مجبتش حق العيش
رحت بسرعه لسيدنا المخبر
ليه يا جميل متجيش
أوعى يا صاحبي يمر عليَّ يوم
متخوّفنيش
أصل انا كدا وكتير في بلدنا
نحب بلدنا
بس صحاب البرج العالي
كتبوا لنا التهميش
إمّا نعيش علي وصفة مخبر
أو مش لازم نعيش
يعني ضروري ولازم جدا ً
لمّا حمار الساقيه ح يدن
أو يلعب شيش بيش
يمكن إن ساعتها الباشا المخبر افندي
عليّ يعدّي
بحنان وردي
ييجي يروح ولا يضربنيش
يبقى الفار بعبّي ح يلعب
واسأل نفسي ليه اليوم ميفرّحنيش
يفضل قلق الحيره ياخدني
بعيد ويجبني
وامّا نياب الليل ترعبني
أروح للمخبر تاني
واقول له
خايف اليوم متخوّفنيش
وانا أصلا ً
وحياة النعمه
حاقول الحق
من غير الخوف
مش ممكن اعيش
**
أنا خايف
إن الخوف ميجيش
أوييجي اليوم .. لكن ميخوّفنيش
**
الشاعر/ خليل مكاوي
غزة / فلسطين