اضحك بقلم:نيرة صالح

اضحك .. الدنيا مش بقيالك
اضحك للدنيا وعيشها
وانسى همومك واصرفها
خلى الفرحة تملي أيامك
احلم واسعى لتحقيق أحلامك
حب الناس وقوي ايمانك
انسى همومك انسى احزانك
الدنيا عمرها ماهي بقيالك
اضحك للدنيا وعيشها
وانسى همومك واصرفها
البسمه اجمل منها مفيش
والدنيا فانيه مهما تعيش
والحزن مهما طال قصير
والفرح جاي مهما اتأخر
يعني افرح واوعى تكشر
ومهما الدنيا ضاقت بيك
ربك شايفك وحاسس بيك
اضحك للدنيا وعيشها
وانهى همومك واصرفها