ياساكنه في النني ( مهداه إلى أمي الحبيبة ) شعر : إبراهيم خليل إبراهيم

ياساكنه في النني
( مهداه إلى أمي الحبيبة )
شعر : إبراهيم خليل إبراهيم
عضو اتحاد كتاب مصر والعرب
دايما بتدعى لى
دايما تباركى لى
ودعوتك يا امه
نور فـى ضلام ليلى
ورضاكى فيه بركة
بيشدّلى حيلى
فى الغربة أشوف قلبك
بالسعد بيجي لى
فى الضلمة أشوف كفك
دايما بيدعي لى
يا ساكنه فى الننى
يدّوكى من عمرى
ياخدوا السنين منى
يا أمى برضاكى
المولى يرضينى
وحظى فى دعاكى
وربى يهدينى
دايما بتدعى لى
دايما تباركى لى
ودعوتك يا امه
قمره فـى ضلام ليلي .
______________
شعر : إبراهيم خليل إبراهيم