ظمأ بقلم: عادل بن مليح الأنصاري

ظما
يكسي وجه الشوارع
والبيوت
واوقات تمضي
واحلام تموت
ثواني حدها سيف
الشهر يوم
واليوم ساعه
لا تسألوني كيف
أنا أشهد عليك يازمن
عمري انقضى ماله ثمن
حزن يكتب على وجه المدينه
عنوايني
مشاويري
ووجهك حبيبي طيف
يشعل دفاه فيني
مرت سنين وانا
انتظر انه يجيني
سكن طيفك حبيبي
في اقداري
احتل داري
وصرت انا ضيف
كنت اصنع من الأوقات تاج
ومن الوهم ابراج
وعرش من صفا سنيني
ومن عظامي عاج
ارصفه تحت اقدامك
ومن دمعي ودمي
رسمت أمواج
أبيك ترسي على شطّي
تدري ليه أنا محتاج
بس لروحي
بس لمعنى في حياتي
محتاج ترجع لي أوقاتي
محتاج ارجع مثل ما بديت
من نطفةٍ امشاج
وارسم طريقي من جديد
بعيد عنك
وانسى إني شفتك
يوم عيد
ودّي انسى صوت مياده
وهي تردد
تعيد
( انا باعشقك
انا كلي لك )

تعرفين يا ( إنتِ )
مافي جديد
نفس الحروف
نفس الوقت
نفس الجبل
بس الحزن
هو الحزن
هو الحزن
وحده
كل ماله يزيد