,,,,,,القضية مش قضية,,,,,
قال قضية وين هي القضية
القضية مش قضية يا سعدية
بالعامية صارت سرمجة ومصالح شخصية
من يوم ما نسينا أهدافنا الرئيسية
وبعناها من زمان بعيد هالقضية
وبدلناها بكراسينا الواهية التشريعية
بعد ما غرقنا بأحلامنا الوهمية
اللي زينتها لنا وساوسنا الشيطانية
من يومها صارت قضيتنا بينا منسية
الله يرحمك ببكي عليك يومية
وبقلبي غصة ما بتشفيها كل الأدوية
وحزني ما تغسلوا كل كلماتكم الوردية
زهقت قلولي شو أعمل بحالتي هالمزرية
بقلبي حسرة تاااكلني يا ولية
وبعيني دمعة حراقة وما حدا حاسس في
وفي قلبي نار قايدة ما تطفيها كل المية
قال قضية وين هي منكم القضية
ماتت على إديكم انتم القضية
يا عديمين الإحساس والمسؤولية
عشان كراسيكم الخداعة العبثية
يا دمى تحركها إيدين الإسرائيلية
تحت الإدارة الترامبية الأمريكية
الملعونة من ربي لعنة أبدية
فوقوا من سباتكم يا فلسطينية
وقولوا لا لا للخنوع والمذلية
قبل ما يفوت الأوان ويصفوكم هالصهيونية
مدوا إيدكم لبعض وطالبوا بالحرية
ورجعوا كل حقوقكم المسلوبة المنسية
وطالبوا بعودتكم لبلادكم السبية
واتحدوا سوا في وجه الإمبريالية
وخلوا رجوع حقكم حقيقة حتمية
بقلمي :
نسرين عبدالله عيسى
