من الحَكْىّ الغِنْائي بقلم:أحمد الغرباوي

من الحَكْىّ الغِنْائي
أحمد الغرباوي يكتب:
(العَذْراء) و(العَقْرب)..!
الجُزء الخامس ( 5 )
إسْمَك..
رَسْمَك..    
 صُورتك..

نَسّلني مِنْ لَحْمِك
إرْميني مِنْ حِسّك
ولاتخلّ عِشْقي نَبْضَكْ
بَسّ خلّيني
شِوْيّة خَلّيني جَنْبَك..؟
خايْف أنام أبِعْد عَنّك
تِتْعَب..
غَصْب عَنّي أفضحني
ورُوحي تِرُوح لك..!

تِشْرب الآهة
ولاتُوجع صَدْرك..!

نقطة نقطة
مِشْ عَايْزة تِنْزِل
وتِسيب شَهْد شَفايْفَك..!
تَمُصّ سِمّ جَرْحَك
ولايَسْرِي فِ دَمّك..!
ما إنْتَّ ياحبيبي (عقرب)
وأنا
أنا الّلي إتولدت (عَذْرَك)..!
،،،،
إسْمَك..
رَسْمَك..
صُورتك..

ومِشْ أنا اللي فِ مِرايْتك
أعْوَام وأعْوَام
بعوم حَوْل سِنّارتك
أقرّب وأبِعِد
أتدلّع..  و
وكُلّي مِشْتَاق لك
يِمْكِن أصْعَب عليك
وتِعْرَف قَدّ إيه بَحِبّك
وفي حَدْف مُوجة أشْبُك
وأرْمِيني فِ حِجْرك..!
وتنفُضني مِنْ جِيبتك..!
وبرضُه تِمْشي
وَحْدي سايْبني على شَطّك
وعارف إنّي حَ أنتظرك..!
(عَذْراء) بيحِبّ (عَقْرب)
في الله
مُمْكن يكون حُبّك
مِينْ يِعْرَف
مُمْكن مكتوبُ لك
يكون جَنّة أرْضك..؟
ليه خايْف..؟
وفي نينّي عِينيه
عُمْره ماضَرّك..!
ودايْماً بضلّك حارسك
وفي غِيْابك
أمّ وزَوْج وأبّ
وأكتر مِنْ إبن
ملهوف على وَصْلِك..!
،،،،،
إسْمَك..
رَسْمَك..    
 صُورتك..

حبيبي..
ماتْبِعش حُبّ
حُبّ سِنين شَاريك
ولاتِضيّع  قلب
صُبْح مِسا بيدوّر عَليك
ومُتأكّد
إنّه فِ الله عاوزك
لإمْتى
لإ مْتى يِنْتَظر منّك
حُروف رُوحك تِنْطَق:
ـ حبيبي
وأنا كَمْان بَحِبّك..!
....
* اللوحة المرفقة والنصّ من تصميم المؤلف..